السلام عليكم ورحمة الله حقيقى انا طلبت مساعدتكم بعد ما خلااااااااااااص معنتش قادرة ولا لاقية وربنا الهامنى انى اسالكم ممكن الاقى عندكم حل والدتى تعبانة جدا جدا وبتعانى من ثقب فى ودنها الاتنبن و ضعف كبير فى السمع ومياة وصديد بيخرج من ودنها ده غير الالام الموجعه ربنا يعافيها ويحفظنا ويحفظ اهلينا واولادنا من كل سوء روحنا ولفينا على دكاترة كتييير واخدت ادوية بالهبل وكلة بقى ملوش فايده وكلهم اجمعوا على انها لازم تعمل عملية ترقيع لطبلة الاذن بس للاسف شوفنا ناس عملوا العملية دى مرة واتنين عشان تنجح وفيه منهم وللاسف اللى فشلت ومنهم اللى ربنا يحفظنا شبه اتصم فوالدتى خافت خااااااااااااالص بس محتاجة تعملها لانها اصبحت بتمثل لها ولينا مشكلة كبيرة عايزة اعرف افضل دكتور انف واذن وحنجرة يكون ماهر فى اجراء عمليات ترقيع طبلة الاذن فى اى مكان من دول اسكندرية مطروح الدقهلية(المنصورة او ميت غمراو اجا )- الشرقية (الزقازيق او ديرب نجم او منيا القمح) الغربيه (طنطا – زفتى – المحلة) وياريت لو فية واحدة مجربة او حد يكون قريب منها مجرب تفيدنى ايه كانت مشكلتها والدكتور قال لها ايه ونسبة نجاحها قد ايه؟ اسم الدكتور وعنوانة وتليفونة(ان امكن) او تليفون العياده اسلوب الحجز عنده وسعر الكشف مكان اجراء العملية وتكلفة العملية (اجرة ايد الدكتور) وتكلفة المستشفى تكلفة العلاح والدواء حتى الشفاء باذن الله وزمن المكوث فى المشفى وزمن الشفاء والاعراض الجانبية اللى حست بيها ومدت العرض ولو قدرتوا ارجوكم انا عارفة ان الموضوع تقيل عليكم بس عشمانة فى اخواتى انتوا عارفين ان احنا يا مصريين مبنرحش للطبيب الا لو كانت فيه كارثة وخربة مالطة واتهدت كمان ساعدنى ابر والدتى اللى مليش غيرها رزقكم الله بر والديكم اسال الله لكم دوام الصحة والعافية ويرزق امى الشفاء العاجل هى وكل مرضى المسلمين اللهم امين
اية رفعت اية رفعت سوبر فتكات Fatakat 886917 محافظة مطروح مدينة مرسى مطروح – مصر
مرة واتنين عشان تنجح وفيه منهم وللاسف اللى فشلت ومنهم اللى ربنا يحفظنا شبه اتصم فوالدتى خافت خااااااااااااالص 
