السلام عليكم و رحمة الله و بركاته
موضوع مهم جدااااا قريته ونقلتهلكم
يا بنات أنا بكتب الموضوع ده علشان كلنا نخلى بالنا
و كل واحده تقول لاهلها و لاصحابها
بإختصار شديد …
انا كنت دايما لما انظف البوتاجاز كنت بحط ورق فويل عليه
و حولين العيون علشان يفضل نظيف دايما و ميبقعش البوتاجاز نفسه
امبارح كنت مشغله البوتاجاز على الغدا و داخله المطبخ بعد شويه اشوف الاكل استوى ولا ايه ببص لقيت الجزء الى عند عيون البوتاجاز مولع و نار طالعه منه طبعا اترعبت و نديت لجوزى بسرعه و اول حاجه قفل محبس الغاز (غاز طبيعى )
و طبعا زراير البوتاجاز ساحت و منظر غريب مش فاهمين ايه ده …
انهارده من شويه جت شركه كريازى بتوع البوتاجاز كشفوا عليه قالوا احمدوا ربنا جدااااااااااااااااااااااا الشقه دى كان ممكن يحصل فيها انفجارمخنوقة
الى حصل بقى
ورق الفويل ده مع الوقت بيقع منه حتت صغيره جوه ماسورة الغاز الى جنب كل عين و الفويل ده مش بيتحرق اصلا و حته ورا التانيه الماسوره تتسد فالغاز يسرب على مكان تانى علشان كده النار المحبوسه طلعتلى من عند الزراير …..و فعلا الراجل ورانا ورق الفويل الى واقع فى المواسير الصغيره زعلانة و باعيط
و النتيجه الى وصلنالها
محدش يستخدم فويل خااااااااااااااالص ولا اى حاجه تانيه البوتاجاز يتمسح و يتنظف و بس كده يتساب
انا حبيت ابلغكم و دى نصيحه ليكم كلكم و ياريت كل واحده تقولها للى تعرفهم
الراجل قال ان الموضوع ده منتشر و بتحصل بسببه بلاوى
الحمدلله رب العالمين
منقــــــــــــــــــــــــــــــــــــــول والله اعلم
سوسو المنسوسو سوسو المنسوسو images/avatars/orangeflower.gif فتكات نشيطة Fatakat 281087 ********8 – بلد الحرية