[COLOR="rgb(139, 0, 0)"]السلام عليكم
ربنا يرزقنا جميعا في 2024 بالذريه الصالحه المعافاه ونبقي مامى ان شاء الله انا جيت احكي بالتفاصيل العمليه بتاعتى في مستشفي ادم عشان كنت ببقي عاوزه اعرف حاجات كتير ومش ببقي عارفه قولت اجى اعرف فتوكات بقي انا اولا مشكلتى انى حصل معايا حمل خارج الرحم وشيلت الانبوبه الشمال عشان فيها انتفاخ مع دكتور عادل فاروق وبعدين هو قالى على الحقن عشان الانبوبه اليمين حواليها الالتصاقات المهم روحت المستشفي واول كشف كان ليه انا وزوجى انا عياده النساء وهو عياده الذكوره وكان تكلفه الكشف 125 عياده النساء 200 عياده الذكوره وطلبوا منه تحليل للسائل المنوى وعملوا في المستشفى وكان ب 100 جنيه وانا عملت تحليل بس عملتها في المختبر ب 1200 جنيه والحمدلله كانت التحليل كويسه وبعدين دخلت اللجنه الطبيه مع دكتوره مها الشاهد وكان 200 جنيه الكشف قالتلى التحليل كويسه بس بطانه الرحم ضعيفه مش هينفع الشهر ده وبعدين اخدت علاج عشان بطانه الرحم وبعد شهرين قالتلى انها بقيت كويسه وخلاص هتاخدى الحقنه التفجيريه بس قبلها عملت تحليل للاجسام المضاده وتجلط الدم وكانت 1150 وبعدين اخدت الحقنه التحضريه ب 750 جنيه والشهر ده بدات التنشيط وكانت تكلفه العلاج حوالى 4500 بس ده بيختلف من واحده للى تانيه بس انا عشان البويضات كان حجمها صغير شويه اخدت جرعه زياده بس الحمدلله وكل مره بتروحى المتابعه تتدفعى 100 جنيه وتحليل e 2 اخر مرتين بس 82 جنيه انا وصلت دلوقتى لى عمليه شفط البويضات بكره ان شاء الله وديه تكلفتها بترجيع الاجنه 7900 ادعولي بقي ان ربنا يجعل العمليه ديه سبب في الحمل ليه وهو القادر على كل شئ وان شاء الله هاتبع معاكوا الخطوات بعد الشفط [/color]
ربي لاتذرنى فردا وانت خير الوارثين
جنه الخلد م جنه الخلد م فتكات نشيطة Fatakat 1032948 الجيزه – مصر
سبحان الله و بحمده