السلام عليكم ورحمة الله وبركاته ايكم يا فتاتيك وحشتوني خالص باقلي فترة متعغيبة قلت ابعد عن النت يمكن يحصل حمل والحمدلله على كل شئ
انا كنت بتفرج كالعادة يوم الجمعة على الصحة والجمال علشان الحقن المجهري ولاقيت دكتور اسمه محمد مقبل مولد واحده في ماشاء الله 3 توأم ربنا يحفظهم يارب وجايبين العملية سبحان الله
قلت ادخل اسالكم بس قلت اعمل سيرش الاول والحمدلله اني عملت سيرش لاقيت قصص غريبة وبشعه عنه وصعبة واكتر واحدة قاسية قلت انألهلكم علشان ربنا يحفظنا جميعا من نوعيه الدكاترة ديه ولان ربنا عالم التكاليف والمصاريف المادية وغير المعنوية والنفسية الا بترهقنا جدا ربنا يرزقنا جميعا الذرية الصالح عاجلا غير اجلا يارب
وياريت اي واحده متعرضش زوجها لعملية السحب من الخصية لان سمعت من دكتور حساسين ان اضرترها اكبر كتير وممكن تسبب عقم للزوج ملهوش علاج
القصة منقووووووولة للافادة
لسلام عليكم ورحمة الله وبركاته
ازيكوا كلكم
يارب يكون الجميع بخير
دى اول مشاركه لى فى المدونة
وارجو تقبلونى اخت بينكوا
عندى نصيحة لكل مقبله على حقن مجهرى
بصراحة هى تجربتى اردت ان اقولها لكم لكى يستفيد الجميع
ويارب مكنش مطوله عليكم
د محمد مقبل منه لله وسوف اظل ادعى عليه من كل قلبى فهو ليس بانسان بالمره حسبى الله ونعم الوكيل فيك يا مقبل والله انا صادقة فى كل كلمة سوف اقولها لكم عن تجربتى فى عيادة د مقبل (مركز نفرتارى للحقن المجهرى هو مركز د محمد مقبل لعلاج العقم عند الزوجين شارع جسر السويس ) الحمد لله على كل حال اولا انا متزوجة من ٤ سنوات ولم انجب فزوجى عنده نقص فى الحيوانات المنوية واخذ علاج كثيييييييييييييير جدا ونتيجة التحاليل مرة توصل الى ٢٠٠٠٠ ومرة اكثر ومره صفر واخر دكتور ذهبنا له كان د مقبل وكنا ذهبنا لنعمل عنده عينة من الخصية ومنها نعمل حقن مجهرى مثل ما سمعت منه فى التليفزيون ولكن عندما قلنا له ذلك قال لا ممكن العينة ما يطلعش فيها حاجة وبعدين نتعب نفسيا نبدأ بعلاج ٣ شهور اولا وطبعا اول لما شفنا قال ملكوش حل غير حقن مجهرى وبدأنا رحلة العلاج وطبعا ما اقولكوش على المصاريف اولا كشف ١٢٠ جنيه واستشارة ٣٠ جنية وطبها العلاج لايقل فى كل مره عن 1000جنية وده اقل سعر للروشته وطبعا تصرف الروشته من الصيدلية ال تحته فى جسر السويس وتطلع توريهوله وبعد كده عرفت ان دى صيدلية مراته وطبعا لازم ينفعها المهم عمره ما طلب تحليل من زوجى رغم ان احنا قلنا له التحاليل مره فوق ومره تحت ورغم كده كنا احنا قبل لما نذهب له نعمل تحليل ليشوفه وبعد اول شهر علاج طلع التحليل ٣ حيوان منوى واحد حى و2 ميتين قال ناخد علاج كمان وتقريبا كان ١٥٠٠ جنية وبعدين رحنا بعد شهر ومعنا تحليل كان العدد ٦٠٠٠٠ حيوان منوى كنا فرحنين قلنا اكيد هيطلب تحليل عنده علشان يتأكد ولو وجد اى حاجة نجمدها لكن للاسف ولا طلب اى حاجة كل ال قاله تحليل كويس نبدأ نحضر الزوجة قلت له يادكتور طب هتاخد عينة امتى علشان نكون مطمنيين قال لا يوم عملية سحب البويضات طبعا قلت بس احنا عايزين نطمن قبل العملية ممكن تاخد عينة قال ما فيش مشكله هاتوها فى اى وقت وطبعا بدأ معايا التحضير قال العملية تقريبا من ١١٠٠٠ ال ١٢٠٠٠ جنية ولكن طبعا هى كانت اكتر بكتيير ده سفاح هات وانتى جاى ١٨٠٠ جنية وبعد كده المرة ال بعدها قال هات 3000جنيه وانت جاى ثم بدأنا التحضير كالاتى اعمل تحليل عنده ٥٠٠ جنية والسونار ٧٢٠ جنيه ليه كل ده مش عارفة وطبعا ده كل مره نروح كده سونار وتحليل تقريبا 1000جنية اواكتر والعلاج كل مره مش اقلا من ٢٠٠٠ جنية او 3000جنية وبعد ما اخدت كل الابر المنشطة وحدد موعد عملية سحب البويضات وقال تجيبوا ٧٠٠٠ جنيه معاكوا قلت له طب خد عينة علشان نطمن قال ماشى مش مشكله ادفع ٥٨٠ جنيه تحليل وتجميد وفعلا دفعناهم وطبعا مش قادره اوصوفلكم قذارة هذه العياده الحمام سيئ للغاية وصغير جدا ولو شوفتم مكان اخذ عينه الدم جنب حوض صغير جدا ومكان صغير جنب حجرة الكشف وطبعا مش نظيف المهم كانت المفاجاة ال كنت حاسه بيها من اول يوم لا يوجد حيوانات منويه فى التحليل وطبعا منتهى البرود منه قال كده يوم العمليه بعد يومين هنفتح الخصية وتجيب مهاك ٢٥٠٠ جنية وعلاج تقريبا ٥٠٠ جنيه بعد العمليه وذهبنا يوم العمليه وبدأوابيه وعمل العمليه وطبعا حجرة العمليات زباله وفيها ذباب والباب مفتوح واى حد يدخل وهو عادى شغال والمساعدة د ازهار لا تفهم شئ فى اى حاجة ومش عارفة حتى تجيب وريد تدينى البنج والله لحد دلوقتى دراعى ازرق من الحقنة وطبعا طلعونى على حجرة بعد العملية فيها ستات تانين والسراير والفرش مش نظيف خالص وبعدين اخدوا عينة سائل من زوجى وبعد فترة قالوا ما فيهاش حيوانات وهنفتح الخصية وفعلا دخل حجرة العمليات وهو عنده سكر ولا حد سال يقول لد ازهار عندى سكر قالت مش مهم عادى وعمل العملية ببنج موضعى وكان حاسس بكل حاجة وطبعا خياطة العملية زفت ولحد دلوقتى لسه الجرح لم يلتأم وبه صديد وانتظرنا حد يقول حاجة بعد العملية في حيوانات منوية ولا اية كام بويضة ولا حد بيرد عليك وطبعا الدكتور ولا بيشوف حد ولا بيتابع حد ووبنت من الاستقبال قالت لى كتبوا على الروشته تيجى ٨ صباحا بعد يومين يبقى ماتقلقيش وبعد شوية شطبوها ودازهار قالت تكلمونى بكرة الاول على موبايلى وطبعا محدش بيقول اى حاجة طب فى اية لقيتوا حيوانات ربنا يسهل صمم زوجى بعد عناء شديد يقابل د مقبل قال له العينة فيها خلايا ام وهنحطها فى محلول طب هل البويضات هتنفع تنتظر ممكن تعد ٣ ايام بس هتضعف وخرجنا من العياده وتانى يوم اتصلنا بيهم مثل ما قالوا الدكتورة قافله الموبيل والعياده اجازه ومحدش بيرد والعصر اخيرا ردت د ازهار قالت كلمونى الساعة ٩.٥ مساءا طب طمنينى قالت ما عنديش معلومات وكانت المفاجاه اتصلت بيها ٩٫٥ قالت لى ما فيش نصيب قلت يعنى ايه؟ ايه الحل قالت ما فيش حل قلت ازاى تحضرونى وتسحبوا بويضات وانتوا ما جهزتوش عينة زوجى تقولى خلاص ال حصل وبعدين التحليل ال انتوا جايبينه كويس تقولى احنا مش غلطانين فى حاجة انتى زعلانة لية علشان عملتى عملية طب منا عندى بويضات هرميها قلت وده عيب ولا غلط منى انا طب خلينى اكلم الدكتور تقول مش موجود وانا سامعة صوته جنبها حسبى الله ونعم الوكيل حسبى الله ونعم الوكيل فيك يا مقبل وانا قلت حكيتى علشان الك يستفيد منها لانه وهم كبير ومادى ولا يفهم شئ غير انه يلم فلوس وبس حتى ما بيتبعش حد ولا حتى تابع عملية زوجى والله وانا فى البنج لسه ما فوقتش وكان معايه ناس تانين ناقلين اجنه جت د ازهار يلاه خلاص كله يقوم ال ناقل اجنة خايفين يقوموا وانا لسه ماقمتش يلاه فى ناس تانيه جايه وابقوا اتصلوا بيه على الموبيل ومحدش يجى يبقى ده بنى ادم ولا ظالم ربنا يجرب عليه ال ورهولنا علشان يحس ربك يمهل ولا يهمل
ارجو الكل يستفاد ودلونى اعمل ايه تانى ربنا يعلم احنا تعبنا اد ايه
ام سلمي المصرية20162016 ام سلمي المصرية20162016 images/avatars/landscape.jpg فتكات هايلة Fatakat 1006013 القاهرة – مصر