السلام عليكم يا فتوكات
ياريت نتجمع هنا بعد إذن الادارة لكل اللي اخدت اي دواء منشط للتبويض ونتابع مع بعض مين ميعاد دورتها جه وربنا كرمها وحملت
ياريت نبشر بعض بالخير ونتفائل علشان فعلا لما بشوف واحده بتقول باركولي انا طلعت حااااااامل ماتعرفوش ازاي بفرح والله وبحس بالتفاؤل
انا عايزة احكيلكوا حاجه صوغنونه كده .. اول ما اتجوزت ومن اول شهر باحس بأعراض الحمل عشان نفسي… ومكنتش اعرف القسم ده خالص .. ولما جيت وكتبت فيه .. بقت فيه فتوكات تدخل تقولي كلام يسم البدن… " بقالك 3 شهور ومتلهفه عالحمل؟؟ انا بقالي سنتين ياريت تراعي شعورنا " دي كانت اكتر جمله أثرت فيا جدا
ليه مش عايزين الواحد يتفائل.. هو حرام؟؟ حرام اتعشم في حمل وانا متجوزة لو حتى بقالي شهر بس؟؟ وللا لازم اشوف الويل عشان نبقى كلنا زي بعض؟؟ اديني بقالي داخله على سنه ومافيش اي حاجه الحمد لله الذي لا يحمد على مكروه سواه
بس متفائله ومش هابطل تفاؤل عشان مش حرام.. الحرام هو اننا نتشائم ونسئ الظن بالله سبحانه وتعالى .. ياريت نفكر في الكلمه قبل ما نعور بيها بعض
ياللا بقى مستنياكوا ياللي واخدين منشطات تقولولي اخدتوا جرعة ايه و فاضل كام يوم عالدورة ومين حاسه انها حامل وياللا ندعي لبعض
انا هبدأ
انا اخدت الشهر ده كلوميد 5 ايام و خمس حقن فوستيمون وربنا يكرم لسه فاضل يجي 11 يوم عالدورة
مين جايه معايا وتحكيلنا؟؟
LoOoly LoOoly 549548_3.gif فتكات هايلة Fatakat 549548 Alb 7abibi 🙂 – مصر حبيبتي