السلام عليكم ورحمة الله وبركاته
انا عندى سؤال محيرنى جداً وللاسف قفلت من الدكتورة بتاعتى ومن عدم اهتمامها انا متجوزة من سنة و3 شهور وجوزى ظروف شغله مسافر بالشهرين واحيانا اكتر وملوش مواعيد نزول واحيانا بينزل فى اوقات غلط خالص " فاهمينى طبعاً " ( بس قعد معايا اول 3 شهور ) المهم انا بدأت اروح للدكاترة من الشهر 5 عملت تحاليل الهرمونات وكشفت والحمدلله الدكتورة قالتلى معندكيش حاجة والتبويض زى الفل ولازم زوجكـ يكون قاعد معاكى وكدة بس طبعاً نظراً لظروف شغل زوجى مش عارفة اظبط الموضوع ده وحاولنا مرتين نظبط ينزل على اليومين بتوع التبويض ( نسيت أقولكوا انه لما بينزل اجازة بينزل يومين او تلاتة بالكتير ويسافر تانى المهم انا بعد مارحت لكذا دكتورة وقالتلى نفس الكلام وماترجعيش الا وانتى حامل اخيراً ظبط انا وزوجى وبعد معاناة قدر يقنع رئيسه فى الشغل انه ينزل اجازة اسبوع فى ميعاد التبويض وانا طلبت من الدكتورة اخد منشط عشان ازود فرص الحمل وبعد إلحاح فى التليفون قالتلى خدى كلوميد 5 ايام من تانى يوم ومقالتليش اى حاجة تانى وخدته بالفعل من تانى يوم واحدة الصبح وواحدة بليل بس تالت يوم البيريود قطعت وجت رابع يوم عادى(ولما سألتها قالتلى عادى) انا كل ماتصل بيها اسألها على حاجة تكون مستعجلة مع ان المكالمة مبتكملش ثوانى والله رغم انى بروحلها كتير من غير كشف ولا اى حاجة واسعارها غالية جدا تقريبا بروح ادفع عشان اقعد معاها اقل من دقيقتين يعنى المفروض تدينى من وقتها شوية المهم دلوقتى انا اتكسفت اكلمها او بمعنى ادق اكلمها تانى بعد ماخدت الكورس بتاع الكلوميد او بمعنى اصح قفلت منها ومن الموضوع كله خصوصا انى حسيت انى اتسرعت باخد المنشط رغم معارضة الجميع دلوقتى انا لما قريت الموضوعات هنا فوجئت ان الكلوميد دايما مصحوب بكلام عن حقن تفجيرية !!!!!!!!!! هل انا المفروض كنت اخدها مع العلم انى عملت متابعة تبويض فى اليوم التاسع ( رحت غلط كنت فاكراه العاشر ) ولانى الشهر اللى قبله عملت متابعة جيت ابدأها من اليوم الـ 12 الدكتورة قالتلى انتى تبويضك كان النهاردة !!!! فعملتها بدرى الشهر ده بس رحت يوم واحد اللى هو التاسع وبعدها اضطريت اسافر مع زوجى لانى كنت عند والدتى قبل ما ينزل بس لما عملت المتابعة قالتلى ان التبويض كويس وان فى بويضتين واحدة مقاس 20 والتانية 13 وقالتلى فوتى بكرة وتعالى بعده ( يعنى الـ 11 ) طبعاً انا زوجى كان معايا الحمدلله الاسبوع ده بس مش عارفة انا غلط لما مسألتهاش بس هى مقالتليش كلمينى او تعالى تانى حتى المتابعة قالتلى مش مهمة ولو هعملها مش شرط عندها لان مواعيدها رخمة وبعيدة انا اسفة جدا عالإطالة ده اول موضوع اكتبه فمفيش خبرة أوى ياريت تفيدونى وتدعولى اكون حامل انا فاضل اسبوع عالبيريود ومش حاسة بحاجة باستثناء وخز خفيف فى بطنى كل فترة
حلم الإيمان حلم الإيمان فتكات نشيطة Fatakat 683610 القاهرة – مصر