السلام عليكم يا فتتاتيك
انا هدخل في الموضوع علي طول انا حزينه قوي علي نفسي من الي عملته فنفسي انا بدأت الحمل 71 كيلوا اصلا زياده 11 كيلوا ودلوقت فاضل اسبوع واخلص الخامس ووزني 81 كيلوا يعني زياده عشره كيلوا كاملين ولسه قدامي السادس كله والسابع والتامن والتاسع نقول اربع شهور
انا شكلي بقا فظيع بجد ووزني مش مستحملاه ركبي وباخد حديد وكالسيوم وبرضه حاسه ان صحتي في النازل بسبب بوقي الي مش عارفه اقفله خالص المشكله اني ده حملي التالت الحمل الي فات كنت متحكمه في اكلي كويس وزي دلوقت كان وزني 70 مش 80 بس الصراحه البنت طلعت صغيره قوي ولحد دلوقت الي يشوفها يديها سنه ونص مش سنتين ونص عارفه كل الكلام الي هيتقال من اختاري المفيد وكليه بس مين بيعمل كده انت بتقفي تعملي اكل اد كده لبيتك وعيالك وتسيبيه وتسلقي لحمه وشوربه طب ازاي المهم عماله اقول لنفسي اهي كلها شهر ورمضان هيبتدي هتصومي ازاي لازم تتعودي تقفلي بوقك شويه وكمان المشكله ان من الشغل والعيال اقف شويه الاقي العيل نزل في الحوض طيب ايه الحل انظم اكلي ازاي واتمشي ولا انام علي ضهري انا المفروض هولد 27-9 مش عارفه من هنا ليومها هيكون شكلي ايه حاسه اني مش مستحمله شكلي من دلوقت في حد خاب خيبتي والا انا نموزج منفرد حد ييجي نشجع بعض علي قفل بقنا شويه
ميما555 ميما555 فتكات متميزة Fatakat 103538 القاهره – مصر
سبحان الله و بحمده