السلام عليكم
ازيكو يا فتوكات يا مامهات المستقبل …انا حامل في اول السادس و جبت شوية حاجات لبنتي و حبيت احطلكو صورها عشان اللي عاوزة تاخد فكرة عن الاماكن و الاسعار
و لو حد يعرف اماكن اسعارها و حاجتها احسن يا ريت يقولي
انا حاطالكو الحاجات اللي انا جبتها و الحاجات اللي جاتلي و عارفة اسعارها بس … باقي الحاجه هدايا و ما اعرفش سعرها فامحطتهاش
اولا الهدوم الداخلية
عدد 4 شاية منقوشة بكباسين ماركة بابيون سعر الواحدة 16 جنيه مقاس 0-3 من محل الزعفراني كيدز الدور الارضي في جراند مول
عدد 2 شاية سادة بكباسين ابيض و بينك ماركة بيبي كلب سعر الاتنين 55 جنيه مقاس 0-3 من محل الزعفراني كيدز الدور الارضي في جراند مول
عدد 2 شاية سادة بكباسين اصفر و بينك ماركة جونيور سعر الواحدة 18 جنيه مقاس 0-3 من محل ايتاج في شارع فيصل
عدد 8 فوطة قشط ماركة جربر سعر ال 8 ب 17 جنيه من محل ضجة في شارع فيصل
ثانيا هدوم البيت و الخروج
عدد 5 سالوبيت نص كم و كباسين من تحت ماركة كارترز سعر الباكت(5 قطع) 65 جنيه و انا جبت 2 باكت مقاس 0-3 من محل ضجة فرع 6 اكتوبر
جلابية للسبوع ماركة بيبي كلب بسعر 40 جنيه من محل الزعفراني كيدز في جراند مول
سالوبيت مقاس نيو بورن ماركة بيبي كلب بسعر 36.5 من محل الزعفراني كيدز في جراند مول
2 سالوبيت بشراب ماركة نيللي مكتوب عليهم مقاس 2 بس هما شكلهم صغير اوي و البنت قالتلي دول نيو بورن من محل ايتاج في شارع فيصل سعر الواحد 42 جنيه
2 شراب قطن مقاس من 6 – 12 من محل ضجة في فيصل سعر الواحد 9 جنيه
ثالثا: البطاطين و الكوفرتات
كوفرته ماركة نيللي بسعر 65 جنيه من محل ايتاج بفيصل
بطانية تنفع لفرش سرير البيبي من سبينيز في مول العرب بسعر 35 جنيه مقاس 140*180 سم
البافتات نسيت اسعارها فامحطيتهاش …. و بس كده خلصت
candystore candystore 319352_1.gif فتكات هايلة Fatakat 319352 الشيخ زايد – مصر