السلام عليكم ورحمة الله وبركاته
بصوا حكايتى هحاول اختصرها ف نقط
انا متجوزة من سنتين وحملت ف اول اربع شهور من الجواز بس كان حمل خارج الرحم وشيلته وشيلت الانبوب اللى كان فيه الحمل بفتح بطن
وطبعا كان جوزى لا عمل تحليل ولا اى حاجة لانه حدوث الحمل ده دليل انه كويس يعنى
بعدين انا سافرتله وقعدنا مع بعض 3 شهور بعدين حسيت بالم ف جنبى وكشفت وعملت اشعة فطلع كيس دموى ع المبيض الشمال وبدات اتابع تبويض وكدا والدكتورة طلبت تحليله ولما عمله لقيناه سىء جدا وعمل الدوالى وبعدين قعدت معاه خمس شهور بعدها ومحصلش حمل
مع العلم انه لغاية الان من بعد ما عمل العملية مكررش التحليل تانى
هو اخد بعدها ادوية وخلطة عسل باعشاب معينة متعارف عليها زى الجينسنج وطلع النخل وغذاء ملكات النحل وحبة البركة
وفى دوا غالى اوى مش موجود الاف السعودية والمانيا مشى عليه شهر ونص بس المفروض كورس العلاج 3 اشهر لكن كان غالى جدااا علينا فوقفنا
المهم انا نزلت مصر وهو نازل كمان شهر ونص
روحت اطمن ع نفسى واشوف اخبار الكيس وكدا
عملت اشعة تانى ولقيت مفيش وجود للكيس وانى الحمد لله تمام ومش محتاجة اكتر من منشطات علشان اشغل المبيضين ف نفس الشهر لان عندى انبوب واحد
بتكلم بقى مع الدكتور عن حالة زوجى صددددددمنى
قالى كلام جديد اول مرة اسمعه واشك ف مدى صحته
قالى ان الدوالى تتعمل لو تاعبه الشخص لكن هى مش بتحسن نتيجة تحليل السائل المنوى
خصوصا ان العدد عند زوجى كان مليون ونص وقالى دا قليل جدااا ع ان الدوالى تحسنه
اللى قالنى ان جوزى بيدخن
كمان انا مش عارفة اتكلم معاه خالص ف الموضوع ده وانه يعمل التحليل تانى
انا روحت لدكتورين هنا وكلهم قالولى لازم نشوف تحليله الاول قبل ما نديكى منشطات
واجازته محدودة والمفروض اروح للدكتور ف اخر دورة تجيلى قبل نزوله لكسب الوقت
فانا محتارة دلوقتى هل مش مهم تحليله واجرب انا اخد المنشطات وجايز تكون فعلا النتيجة اتحسنت من الادوية اللى اخدها بعد كدا..وحتى لو التحليل اتعمل مش هيغير شىء هو بس هيعرفنا انه حلو او وحش
ولا قولولى ازاى ع طريقة او تلميح او سكه اكلمه ف النقطة دى انه المفروض يعمل التحليل قبل نزوله علشان لو ادوية او حاجة من دى ياخدها
لانى مرة طلبت يعمل التحيل فبحس انه ع طول بيتعصب ويزعق ويقول بلاهااا عمايل التحليل خالص وبلاها خلفة من الاساس
وانا بجد قربت اتخنق وخايفة ادخل فى نقاش معاه لانه ممكن افقد اعصابى واقول كلام صعب يتصلح بعدين
قلب حفو قلب حفو فتكات هايلة Fatakat 403642 المنصورة – مصر
سبحان الله و بحمده