السلام عليكم يا حلوات
أنا حامل في نص ال 7 وربنا يقومنا كلنا بالسلامة إن شاء الله
أنا الدكتور بتاعي بيولد في أكثر من مستشفى بس لما قالهم لي أنا إخترت "عبد القادر فهمي" لسببين:
1- إنها أقرب مستشفى لبيت ماما (إللي أنا هكون قاعدة فيه قبل الولادة إن شاء الله)
2- إن ماما ولدت أخويا الصغير فيها وليها معانا ذكرى حلوة
المهم .. ماما طبيعا ولدت من 18 سنة وتقريبا مش فاكرة أي حاجة ومش قادرة تفيدني قوي فأنا قلت أسأل حبايبي الحلوين *_^
1- أنا سمعت إن "عبد القادر فهمي" من المستشفيات المشهورة بقسم النساء والتوليد وسمعتها كويسة .. هل دة صحيح؟
2- هل هي تبع نقابة المهندسين؟
3- عايزة أعرف أسعار الولادة فيها بالنسبة للطبيعي والقيصري
4- مدى نظافة الغرف
5 هل دكاترة التخدير هناك لسة شاطرين في موضوع حقنة الظهر؟ (ماما أخدتها وكان الدكتور ساعتها شاطر قوي وربنا سهل)
6- سؤال عام: هي تكلفة الولادة بتكون = تكلفة الدكتور بتاعي + المستشفى (إيه بالظبط إللي بيحاسبوني عليه؟؟ حجز غرفة مثلا وحقنة الظهر والولادة ولا في حاجة تانية؟)
7- هل مسموح لحد يكون معايا في غرفة العمليات؟ (ماما أو جوزي مثلا)
Mocha88 Mocha88 832846_2.gif فتكات متميزة Fatakat 832846 القاهرة – مصر