انا اول مرة اكتب موضوع في قسم الحوامل واتمني اخواتي الحوامل يجاوبوني
اسال الله العظيم ان يقر عينك بالذريه الصالحه وان يرزقك حمل وولاده سهله وميسرة
واسال الله ان يمن عليا وعلي جميع اخواتي المشتاقات بالذريه الصالحه . اللهم امين
سؤالي يا حبايبي اني بعمل مجهود جباااااار وده طبعي
لسه من شويه مغيرة كل ملايات السراير وبعدين غسلتهم مع باقي الغسيل وبعدين مسحت الشقه ووضبت المطبخ والمواعين ده طبعا بعد ما عملت الغدا
علي فكرة انا مش بعرف اقعد يعني لما اجي اتكلم في التليفون بفضل الف حوالين نفسي في الشقه كلها
انا حاليا في ايام التبويض بس مش فارقه بالنسبالي ايام التبويض او ايام البيريود كله كده
والله يابنات انا كنت عامله حقن مجهري وكنت بخلي زوجي ينزل الصلاة من هنا وانا اقوم اجري علي المطبخ او اعدل السراير المهم اعمل اي حاجه وخلاص
شكلي رغيت كتير معلش سامحوني
انا بس عاوزة اعرف هل انتي كنت بتشتغلي كتير في البيت وعادي ربنا رزقك بالحمل ومفيش مشكله ولا المجهود الزايد فعلا بياثر
مع اني دايما اقول لنفسي اذا ربنا رزقني يبقي حيحفظلي الحمل وهو قادر كل شئ
طلب اخير تدعيلي من قلبك ربنا يفرحني بالذريه الصالحه بقالي 6 سنوات متزوجه الحمد لله
بحبكم في الله
توضيح يا حبايبي انا مش حامل ولا حاجه والحقن المجهري ده من سنه وفشل الحمد لله
ام سما وسلمي ان شاء الله ام سما وسلمي ان شاء الله 719222_1.gif فتكات متميزة Fatakat 719222 الاسكندريه – الاسكندريه