انا من اول حملي بتابع معاه
اولا في اول حملي كنت بروح استنى عنده بالساعتين والتلاته ويكونوا ناس لسة جايين و يدخلوا و يقولولي معلش اصلهم في التاسع ، دلوقتي انا في التاسع و بستنى عادي دوري و آخر مرة مدخلين واحدة كرشها يا دوب سنتي يعني في شهرها التاني بالكتير اوي و يقولوا معلش ندخل شوية مش تاسع ، طب ما انا تاسع و جاية قبلها و انا مالي و متكلمتش و سكت .. و هنقول عادي ده موجود عند كل الدكاترة
اولا الدكتور فيه طبع انه يتريق بطريقة سمجة و رزلة ، يعني انا مثلا مش بدخل الحمام برة و بروحلة من برة برة ف وهو بيكشف عليه يقولي انتي زانقة نفسك ليه وزانقة البيبي ليه و المثانة هتفرقع و يخلي البنت اللي واقفة بتساعده تضحك عليه ، اقوله بتعب اوي بليل من شدة بطني و مبعرفش انام واقلق على الفجر مع ان نومي تقيل يقولي احسن عشان تصلي الفجر
موقف تاني زدت 2 كيلو و نص في اسبوعين فضل يهزق فيا و يقولي ده انتي على اخر الحمل هتبقي مش عارفة كيلو
المفروض المتابعة كل اسبوعين بس انا في الأول كنت بروحلة كل 3 اسابيع او كل شهر عشان المشوار تقيل اوي عليه ف قي مرة روحتله قبل ما اكمل التلات اسابيع يقولي انتوا جايين بدري لية ولسة على معادكوا شوية و يشككني في نفسي مع ان جوزي كان معايا و انا و جوزي سكتنا ولما خرجت بسأل جوزي بيقولي انا مش جايين بدري ولا حاجة
آخر موقف و ده اللي حرق دمي و خلاني اعيط ، انا خلصت اسبوعين من التاسع تقريبا و من حوالي 3 اسابيع سألته هولد امتى و طبيعي ولا قيصري و قالي لسة شوية روحتله من اسبوع قالي المرة اللي جاية هتعرفي كل حاجة واني هكشف نسا ، فانا كان معادي معاه النهاردة اولا كروتني في الكشف جدا جدا و قالي لا مش هنكشف نسا النهاردة وانتي لسة في الاسبوع ال 37 و ان احنى بنكشف نسا في ال 38
طب ما انت اللي قايل اني هكشف نسا ولا انا اللي قلت ، و بعدين انا مخلصة نص التاسع بالنسبة لحساباته و مخلصة اكتر من نص التاسع بالنسبة للسونار الرباعي و على فكرة كان بيزعق لواحدة بتتصل تسأله على حاجة في التليفون قال يعني انا هخاف واكش و قبلها كان مزعقلي قال عشان مش عديت حركات البيبي ، طيب انا البيبي ممكن تتحرك مرة واحد في اليوم متواصل و تقعد طول اليوم ساكته وانا مش فاهمة اعد ازاي و على فكرة انا فهمت ان عنده ولادة بعد كدة عشان كدة مرضيش يشكف عليه نسا
تقريبا ناوي يكشف عليه بعد ما اولد ، بجد منه لله و حسبي الله و نعم الوكيل في الفلوس اللي اخدها لانه غالي نار و بروح استنى عنده بالساعتين والتلاته و في الآخر و انا في نص التاسع و جايه و دابة المشوار عشان يحطلي شوية جل على بطني ويقولي البيبي كويس ، يا فرحتي بيك
انا عايزة اعرف هولد امتى وهولد طبيعي ولا قيصري ، بجد حسبي الله ونعم الوكيل فيه و ربنا ينتقم منه لأنه حرق و روحني معيطة من قلة زوقه
قولولي اكمل معاه ولا اشوف غيره ؟
في حاجة مهمة كمان ، انا كنت رحت لدكتور تاني وطلب مني تحاليل كتير اوي من ضمنها سيولة دم و لما وريتله التحاليل عرف اني عندي سيولة في الدم والمفروض انه كان يسجل الكلام ده عنده ، البيه كان ناسي اني عندي سيولة في الدم يعني ممكن ادخل اعمل عمليه اموت فيها عشان هو ناسي
بجد دكتور مبيفهمش و على فكرة لا اداني لا علاج ولا نيلة لسيولة الدم
سبحان الله وبحمدة سبحان الله وبحمدة فتكات رائعة Fatakat 89612 القاهرة – مصر