السلام عليكم
ازيكم يافتوكات
انا ولدت يوم الثلاثاء اللي فات عقبالكم كلكم يارب وجبت ولد سميناه جودة على اسم جده وبنتي الصغيرة بتقوله جدو جودة ههههههههههههههههههههه
بس حصلي في الولادة دي اللي عمرى ماشوفته ولا سمعته ابدا
انا اصلا كنت هولد يوم 15/1
روحت الدكتور عمل سونار وقالي لا الجنين صغير اوي وهيحتاج حضانة خليه كمان اسبوع روحي وتعالي الاربعاء الجاي
روحت وجيت يوم الاتنين بليل لقيته كعور كده عند معدتى ومش بيتحرك لا في نبض بسيط اكنى في اول شهور ومش بيروح في اي حتة
اول الصبح ماطلع روحت على المستشفى حجزونى ودخلونى العمليات حوالي الساعة 3 وربع
خد البنج نصفي عشان ضغطى عالي وكله تمام وانا من اول ما بدخل الاوضة بيكون على لسانى الله لا اله الا انت سبحانك انى كنت من الظالمين
نيمونى وفتحو وخلاص بيخرجو الولد والمفجأة مش عايز يدخل
اتنين دكاترة يشدوا فيه بش بيخرج اوضة العمليات كان فيها الاشتساري قاعد عشان لو حصل حاجة قام لبس جونتي وجه ايد يدوس على معدتى وايد يشد ابداااااااااااااااااااااا
يشدو التلاتة في بطني ويفتحوا اوي عشان يوسعوا الرحم ويخرجوه ودا لزق
وكل مايشدوا احس اكنهم بيشدوا المعدة او حتة من جسمي وروحي تتسحب ربع ساعة على كده لدرجة انى جالي زهول وقولت ايه دا الولد مش عايز يخرج هيخيطوني ويسيبوه جوا ولا ايه هههههههههههههههههههههههههههههفين بقا الدكتور فضل يهرس في بطني من فوق من عند المعدة عشان يزقه لتحت شوية وهوب الاتنين مع بعض داسوا على معدتى بايدهم وزقوا والتالت شدوا لبرا بايده الاتنين
بس كنت خلاص طلعت في الروح
وبعدها الدكتور فضل يضرب فيه يجي 10 دقايق عشان يعيط وطلعوه الحضانة على جهاز التنفس حوالي 3 ساعات وبعدين جابهولي حاجة كده صغننه خالص معرفش كان مزنوق ازاى دا هههههههههههههههههههه
وفي عز ماهما بيشدوا الدكتور بيبصلي ويضحك عشان مخافش
بقوله ايه مش عايز يطلع للدنيا قالي شكلك كنت متابعة الاخبار كتير خوفتيه يجي هههههههههههههههههههههه
ضيفه خفيفه ضيفه خفيفه فتكات متميزة Fatakat 1051072 الجيزة – lwv