فتوكاتى الحلوين انا فرحاااااااااااااااااانه اووووووووي عشان صحبتي انتيمتي ولدت امبارح عقبالكم يارب كلكم بس كان ايه يوم كوميدي لان دي تاني ولاده ليها
فى اول ولد الطلق قعد معاها 12 ساعه وولدت فى اول اسبوع فى الشهر العاشر
لكن فى بنتها بقى كانت فى الاسبوع التاني من التاسع واتصلت عليا اول امبارح بتقلى عندي مغص بييج ويروح بس مغص عادي مش صعب فا قلتلتها روحي المستشفى احسن قريت على فتكات قصه الفتوكه الى ولدت فى بريطانيا وكانت تالت ولاده وجالها طلق وملحقتش تروح المستشفى والبيبي وقع منها عالارض ولما جه المسعفين خلوا جوزها يقطع الحبل السري القصد يعني ان كل الاحداث دي حصلتلتها وهى فى البيت وبرضه كنت قريت فتوكه ولدت فى العربيه وهي فى طريقها للمستشفى وكانت تاني ولاده ليها فاقعدت تضحك وتقولى فتكات واكله عقلك انا فين والولاده فين انا فى الاسبوع التاني لسه قلتلتها انتي حره
وقلبي كان متوغوش عليها اتصلت تاني قالتلى هخش اناااااااام وانا جت الساعه 12 ونمت برضه لقيتها بتتصل عليا تاني يوم الساعه 6 الصبح وتقولى باركيلي ولدت ههههههههههه قلتلتها نعم؟ امتى ؟
قالتلى اسكتي جيت على الساعه 3 الفجر والطلق يخدعنى كل شويه ييجي ويروح بس مش طلق جامد فا انا قلتلتها يابنتي منا كنت قيلاللك ان البنات طلقها بارد زي امي ما حكتلى انه بيبقى بارد
وبييجي فجأه عالاخر يحمى والست تولد قالتلى اسكتى كلام طنط صح بتقلى وانا هوب زغدت جوزي فى ضهره صحيته وقلتله قووووووووووووووووووم بولد ههههههههههههههه الراجل اكيد قطع الخلف من الصرع الى عملتهوله
وجري جري بالعربيه وعالمستشفى واتصلوا بالدكتور وعقبال ما الدكتور ما صحصح وفاق كده كانت صحبتي فى المستشفى بتصرخ وتقول للمرضات انا حاسه براس البنت الحقووووووووووووووني وتقوم ايه الممرضه تبص من تحت وتقول شعرها باين يا خبر وقامت الغبيه با ايدها زاقه البنت لتاني جوه قامت صحبتي شتمتها وحزقت جامد وقالت والله لاولد مش هستنى حد ههههههههههههههههههههههه متهورة
وهوووووووب البنت نزلت لوحدها على وشها على سرير الولاده والممرضات جريو مسكوها وقصولها الحبل السري وجه الدكتور عالخياطه بس هههههههههههههههه دكتور برنس والله
قعدت اضحك واقلها تستاهلى عشان مسمعتيش كلامي لان ماما بتقلى من بعد اول ولاده بتبقى سهله جدا وراس البيبي بتجري غير البكريه لان امي ولدت 5 مرات طبيعي فا خبره
المهم دكتورها بقى قعد يضحك ويقولها يابنتي وبعدين معاكي فى البكريه ولدتك وانتي واقفه مكنتش راضيه تقعد ابدا وعضت ايد الدكتور لما جه ينيمها غصب عنها وقلها والمره التانيه ولدتي لوحدك ارحميني من مغامراتك شويه ههههههههههه وقلها فى الولاده التالته مش عايز اشوف وشك هههههههه
فا بجد يا فتوكات خدوا بالكم فى الولاده التانيه والتالته لو حسيتي بطلق افضل والله تروحي المستشفى وانتظري فى اوضتك احسن اهو لو حصل حاجه يلحقوكي متقعديش تتمشى فى بيتك ولا تطنشي زي صحبتي وتجري على اخر الطلق عشان بس البيبي ميجرالوش حاجه ولا يقع منك ويتعور
ربنا يقومكم بالسلامه يارب حبيت ارسم البسمه على وشكم بحكايه صحبتي المتهوره هههههههههههههه
ويارب يرزق كل مشتاقه بحمل وولاده يارب وياريت كل فتوكه مرت بولاده متهورة زي كده تيجي تحكلنا وخاصه لو تاني او تالت او رابع ولاده خلينا نضحك ونتسلى ونفكها على حوامل الشهر التاسع شويه
Madam koko Madam koko 658931_9.gif سوبر فتكات Fatakat 658931 بلاد الفرنجة – السعوديه