انا متابعه مع دكتوره فى اسكندريه دكتوره شاطره بس انا قريت هنا فى النت عن حقنه التيتانوس فسألت ومسكتش اوم ايه ؟ سألت المدامات اللى بيبقوا معايا عند الكتوره قالولى اه اللى بتولد اول مره ليها حقنتين فى الخامس والسادس وانها ضرورى عشان متعرفيش فى الولاده ممكن يحصل اى تلوث ولو بسيط لا قدر الله مهما كانت المستشفى كويسه احنا بنسمع دلوقتى على حاجات غريبه فالحقنه دى امان ومش بتضر . طب ناخدها فين قالولى فى اى مركز رعايه صحيه التابع للعنوان بتاعك فالنهارده قمت زى الشاطره واخدت مامتى وروحنا انا ساكنه فى محرم بك ولقيته حلو ونظيف مش زى ما كنت متخيله ولقيتهم بيعملولى زى دفتر كده فى بياناتى وتحاليل سكر ودم وار اتش ودخلت للدكتوره قاست لى الضغط وكشفت عليا وكتبتلى دوا وكمان كتبتلى بديل وقالتلى من نفسها كده عشان لو ده غالى ممكن التانى وقعدت تشرحلى بكل هدوء عشان افهم وجاوبت على كل اسئلتى وكانت وشها بيضحك وبشوشه وقالتلى تيجى كل شهر تتابعى والشهر الجاى عشان انا داخله الخامس باذن الله تاخدى اول حقنه تيتانوس وكل ده من غير ولا مليم والله ولا حتى اجر رمزى بس طبعا من غير الدوا يعنى فى انواع عندهم وانواع من بره واكتشفت انك لما تولدى ان شاء الله بيشوفوا البيبى ويتابعوه وعندهم التطعيمات
انا حفضل مع الدكتوره بتاعتى اساسى بس بصراحه هما ممتازين انا مكنتش اعرف حاجه خالص عنهم بس قلت ممكن اى حامل تستفاد لو راحت
انا رغيت كتير يارب متكونوش زهقتوا منى ربنا يقومنا كلنا بالسلامه
روشى اسكندرانية روشى اسكندرانية 775212_1.gif فتكات نشيطة Fatakat 775212 الاسكندرية – مصر