ازيكم يا فتوكات
********************************
نبتدي الموضوع بس باننا ندعي لكل الحوامل ربنا يكملهم بالسلامة وانا معاهم
وندعي ربنا يرزق كل مشتاقة بالذرية الصالحة عاجلا يارب
بشاور عقلي اعذبكم وارغي الاول ولا احط طريقة الحساب وبعدين ابقى ارغي
خلاص خلاص من غير ضرب
لا بجد ندخل في الموضوع
الحمل بالشهور كلنا عارفين بيبقى 9 شهور
لكن بالاسابيع بقى 40 اسبوع
يعني مش زي بعض
عشان كدة محدش يحاول يحسبها بأنه يقول انا في اول الشهر الرابع يعني فات 3 شهور يبقى 3 في 4 ب12 اسبوع
يبقى انا في الاسبوع ال13
غلط وهتتلخبطي
نبتدي بالأسهل
حساب الشهور
*******************************
بتشوفي اول يوم في اخر بريود
ركزوا .. اول يوم في البريود مش خلصت امتى
وبعديها باسبوع يبقى هو دة بداية الحمل
يعني لو اخر بريود يوم 14-5
يبقى يوم 21 هو اول الحمل وكل يوم 21 بتكملي شهر جديد
يعني 21-6 كدة الشهر الاول
21-7 الشهر التاني
لحد ما توصلو للشهر اللي انتو فيه
نيجي بقى ل
حساب الاسابيع ********************************
الاسابيع بتاعت الحمل 40 اسبوع
بتتحسب من اول يوم في اخر بريود (نفس المثال 14-5)
دة بيعتبر بداية الحمل وبتعدي منه
زي الصورة دي
لو عديتوا الاسابيع كدة ( العلامات الصفرا)
هتلاقوا الحمل كمل 27 اسبوع
طبعا في ناس هتسأل هو الحمل بيبتدي في اول يوم في اخر دورة (زي ما بنحسب الاسابيع)؟
ولا بيبتدي بعد اسبوع من اخر دورة (زي ما بنحسب الشهور)
هو ولا بيبتدي بالفعل كدة ولا كدة
هو بيبتدي من يوم التبويض اللي هو عادة بيكون ما بين اليوم 12 لل 16 من اول يوم في البريود
لكن عشان هو مش متحدد
وصعب تحديده
وبيختلف من واحدة للتانية
فالدكاترة توصلو لحساب الاسابيع والشهور عشان يبقى سهل تتبع الحمل
لكن الحمل في الحقيقة 38 اسبوع من يوم التبويض
زهقتو من كتر الرغي مش كدة؟؟
خلاص هبطل
بس بلييز لو استفادتوا من الموضوع مش تنسوني من الدعاء
واتوصوا بالتقييم
Samaya Samaya 79324_3.gif سوبر فتكات Fatakat 79324 القاهرة – مصر