السلام عليكم يا احلى فتوكات فى الدنيا يالا ردو السلام انا جاى النهارده ابشركم انى عملت اختبار الحمل والحمد لله حااااااااااااامل بفضل الله ثم بفضل بعض الحاجات الى ربنا جعلها سبب لحدوث الحمل ربنا يتم الحمل على خير يارب بالله عليكم استحلفتكم بالله كل واحده تدخل تدعيلى حتى بدون رد علشان انا حملى وحش وولدت مرتين ولاده مبكره ومنهم مره بنتى اتوفت بتسمم فى الدم ومره تانى فضل يجلى طلق من اول الثامن لآخره يالله بقى دعوة من اخواتى من القلب ان ربنا يتم حملى ده على خير خصوصا انى فى الغربه ومش معايا حد يساعدنى طبعا معايا ربنا فوق كل شئ .
انا جيت اقولكم كام حاجه ودى عن تجربتى الشخصيه مش تجارب حد تانى بفضل الله كانت سبب فى حملى من اول شهر:
اولا:كثره الاستغفار والدعاااااااااااااااااااء بس يكون بيقين ان الدعوه مجابه مش ادعى وانا يأسانه وحزينه انا بكلم رب البشر الى يقول للشئ كن فيكون الى هتدعى بالقلب ده اكيد دعوتها لن ترد
ثانيا:من اول يوم فى البريود كنت بشرب قرفه 3 مرات فى اليوم بتشيل المغص وبتقوى الخصوبه شربته لحد يوم التبويض يعنى حوالى 14 يوم بس ومكملتش بعد كده لحسن يكون حملت والنونو ينزل لقدر الله
ثالثا:كنت بشرب مرتين او 3 مرات جنزبيل مبشور او مطحون الى عندى +لمون+كمون بصو الجنزبيل على الريق مفعوله زى الحقنه التفجيريه والمشروب كله على بعضه بفضل الله خسسنى ونزل بطنى جدا خلال الفتره دى بردو 14 يوم بس
رابعا:كنت بعمل لجوزى يوميا خلال ايام التبويض كوبايه قرفه بالزنجبيل المبشور ودى بتقوى الحيوانات وبتزيد سرعتها يعنى بالمختصر بتعفرتها
خامسا:كنت بنام على ظهرى شويه مش بقوم على طول
سادسا:كنت مخففه اكلى عن الطبيعى واعرف ان ده بيزيد من الخصوبه وكنت عملت دايت بعد آخر ولاده والحمد لله نزلت 22 كيلو وده بيفرق جدا جدا فى الخصوبه للواحده مننا.
وأخيرا اتمنى منكم دعوم من القلب بظهر الغيب بالله عليكم ان ربنا يبارك فى حملى ويتمه على خير ويرزق كل مشتاقه ويبعد المشاكل والولاده المبكره عنى.
واى استفسار انا تحت امركم
*حور العين* *حور العين* 298763_2.gif فتكات هايلة Fatakat 298763 فى ارض الله الواسعه – مصر