ازيكم يا فتوكات
دا جزء من موضوع سابق ليا
عايزة اقلكم من وقت ما حملت
وانا لك احلامي اني هجيب ولد
واحساس قوي جدا جدا
اروح للدكتور يقلي بنت
انا اصلا بحب البنات يعني مش زعلانه
بس مستغربه
واقول لجوزي انا احساسي واحلامي انه ولد
يقولي اقعدي لنا علي جمب بكرشك دا
المهم رحت للدكتور
ووراني في السونار انها بنت
بيني وبينكم شفتها بعيني انها بنت
وخلاص قلت يمكن انا احساسي واحلامي غلط
انام احلم يا فتوكة منك ليها
اني بفتح التلاجة علشان اجيب لماما طماطم
بمد ايدي في كيس الطماطم لقيته تفاح
وقلت لماما دا طلع تفاح انا كنت مفكراها طماطم
هههههههههههههههههههههه
طيب اعمل ايه واصدق مين
وحد حصله زيي ولا لا
سيبكم من الاحساس
طيب الاحلام يا ناس
دا اول حملي اختي حلمت اني لابسه فستان حمل لبني
انا حلمت ان جوزي بيديني تفاح اول حملي
وحلمت اني عايزة اتزوج الرسول صلي الله عليه وسلم
وكنت بقول دا مش ممكن انا مش من امهات المؤمنين
وفي طفل قال ان ربنا كتبني للرسول صلي الله عليه وسلم ومبقتش مصدقة من الفرحة
والمفسرة فسرته اني هجيب ولد
طيب دا ايه معقول احلامي كلها تكذب
اللي حصل بقي
اقولكم النتيجه
اي جبت بنت الحمد لله هههههههههههههههههه
يعني كل احلامي واوهامي فاشوش
عايزة اقلكم انا داخله اولد واهلي وجوزي معايا
واهلي بيقولوا لي دي بطن ولد ودلوقتي تشوفي
وانا اضحك واقولهم السونار لسه قايل حالا بنت
المهم دخلت اولد تعبت شوية في الولادة القيصرية الحمد لله
لكن الدكتور قالي بنت زي القمر
طلعت من العمليات لقيتهم شايلين بنتي وفرحانين بيها
قلت لهم شوفتوا بقي
لا احلام ولا تهيؤات ولا زي مين في الاعراض
كل واحده غير التانيه
اللي هيجنني الاحلام دا انا احلامي مبتنزلش الارض
هههههههههههههههه
الحمد لله جبت بنت وسمتها سلمي ربنا يبارك لي فيها ويحفظها يارب حبيبه ماما
بس الناس بتقولي اسم سلمي قديم
هو اسمها ربنا كتبه لها بقي اعمل ايه انا
ههههههههههههههههههههه
امرأه فوق القمة امرأه فوق القمة 537533_34.gif فتكات ست الكل Fatakat 537533 الاسكندريه – مصر