حوامل الشهر التاني و الثالث
عشان احنا اكتر حاجه بنعاني منها في الشهرين دول وانا بدا معايا كمان الموضوع من نص التاني و مكمل معايا في التالت ربنا يقوينا
بصو بقا الدكتوره كتبتلي علي برشام منع القيء بس حتي ده معدتي مبتستحملهوش و زي قلته فكتبتلي علي واحد تاني بيتاخد من بليل بس بصراحه مجبتهوش اصل مش معقوله هفضل اخده طول الشهر و كمان الاول 3 شهور المفروض اقلل من اي ادويه عشان ده تكوين المخ و الاعصاب لحد ما بنت خالتي قالتلي علي الحل الاكيد
بصو بقا اللي بيعمل القيء طول اليوم ان احماض المعده بتزيد في الحمل و الصبح لما تبقي المعده فاضيه بتبقي في اعلي حالتها و بتفضل قرفانا طوللللللللللل اليوم فالحل يكون جمب السرير اي نوع مقرمشات بسكوت او بقسماط كل يوم الصبح تاكلي واحده وانتي في وضع الاستلقاء عشان متديش الفرصه للعصاره المعديه تطلع و تعدي 10-15 دقيقه كده بعدين تقومي براحه الموضوع ده هيقللها جامد لو مكانش هيخفيها تماما ان شاء الله
بالنسبه للحموضه عشان الهضم بيبقي بطيء في الحمل فعليكي باللبن الرايب عشان فيه خماير بتساعد علي الهضم و حاولي متمليش معدتك بالاكل و كلي علي فترات و متكليش قبل ما تنامي علي طول
و في حاجه تانيه مهمه متشربيش ميه في نصف الاكل او بعد الاكل علي طول عشان ده برده سبحان الله في الحمل بيسبب قيء
و ابعدي شويه عن حاجات السائله اللي فيها ماكولات صلبه يعني زي الخشاف كده
معرفش ليه بس لازم الاكل لوحده و السوائل لوحدها البيبيهات دول ليهم مزاج
و ربنا يكملي و يكملكو علي خير يارب
Batatsaya me Batatsaya me 585656_1.gif فتكات هايلة Fatakat 585656 الاسكندريه – مصر