يا بنات انا ولدت اول مرة قيصيرى هى مش صعبة اوى ولا حاجة بس بتقعدى يومين كده مش قادرة تتحركى كنت لو وافقة مقدراش اقعد غير لما اخلص كل حاجة لانى لو قعدت او نمت صعب اقوم وكنت لوحدى ماما صعب انها تيجى تقعد عندى وحماتى جات يومين عايزة الى يخدمها وجوزى كمان ملوش فى شغل البيت ولا يعتم بالبيى بس بعد كده بقيت كويسة انا دلوقتى حامل تانى ونفسى اولد طبيعى انا الولادة الاولى كانت الماية نشفت فولدت قيصيرى مع ان كل التاسع كنت تعبانة ومغص على طول والدكتورة قالت يبقى هتولدى طبيعى بس اتمشى ومشيت كتير جدا والتاسع خلص ومولدتش قالت الماية نشفت انا لسه دلوقتى فى اخر الخامس بس سالت الدكتورة قالت لا الجرح ممكن يفتح انا لما هولد إن شاء الله ابنى هيكون سنة ونص بس هموت واولد طبيعى عشان هيبقوا عيالين اعرف اهتم بيهم واخد بالى منهم هيبقى صعب اوى مع القيصيرى خصوصا ان ابنى واخد عليا ومحدش بيعرف يهتم بيه
فى حد حصل معاه كده ولد طبيعى
كمان عايزة ارضع طبيعى انا فى ابنى الاول رضعت طبيعى اربع شهور وبعدين الدكتورة قالت مبذتش كويس دخلى رضعة صناعى وبعدها ابنى بدا يسيب صدرى ويمسك فى الببرونة لحد ما ساب خالص بقيت اشفط اللبن واحطه فى الببرونة على امل انه ممكن يرجع لكن للاسف بقى بيرضع صناعى فى حاجة ممكن تكتر اللبن اعملها المرة دى
كنافة بالمكسرات كنافة بالمكسرات سوبر فتكات Fatakat 653212 اسيوط – مصر
سبحان الله و بحمده