السلام عليكم و رحمة الله و بركاته
ازيكوا يا فتوكات يا حلوين
انا الحمد لله حامل فى اخر الشهر الرابع بس فى موضوع محيرنى اوى و مخوفنى و عاوزاكوا تفيدونى فيه انا ماليش غيركوا
انا عموما مبعرفش أستحمى الا بمية سخنة صيف و شتا و عندى مزاج كل يوم اقعد فى البانيو و اسيب المية السخنة تجينى من الدش عليا و ببقى مستمتعة اوى بكده ( أصل بيت ماما ماكنش فيه بانيو فانا فرحانة بيه بقا ) و بقعد مدة لدرجة ان ساعات البخار بقا بيخنقنى فبقيت بسيب باب الحمام مفتوح عشان متخنقش
و من يومين قريت موضوع هنا لواحدة حامل بتقول فيه ان الحامل فى التاسع بتقعد فى مية سخنة عشان الرحم يفتح
و من ساعتها و انا خايفة اووووووووووى
و لما بستحمى و تيجى المية السخنة على سرتى يبقى بيتهيألى ان البيبى كده مش هيعرف يتنفس هو انا كده ممكن اكون فتحت الرحم و لو شوية من قعادى فى المية السخنة و انا لسه فى اخر الرابع فهل كده فى ضرر عليا و لا عادى و لو واحدة هنا كانت حامل و كانت بتعمل زيى و عادى محصلش حاجة تقولى الله يخليكوا و هل ضغط المية السخنة على بطنى ممكن يسبب ضرر للبيبى ؟ فيدونى يا بنات
و ادعولى ربنا يكملى على خير و افرح بشوفة طفلى انا و كل الحوامل يارب و يارب ترزق كل مشتاقة بالحمل السليم المعافى امين يارب
Nagwa Ali Nagwa Ali فتكات متميزة Fatakat 764177 الأسكندرية – مصر