السلام عليكم ورحمة الله وبركاته انا لسه عضوة جديدة في المنتدي وحابة احكي تجربتي يمكن اي حد عنده فكرة يطمني ويريحني
انا متزوجة من سنة والحمد لله حملت في اول شهر من الجواز وكنت بتابع لحد اخر الشهر السادس وكنت مهتمة بحملي جدا ممكن تقولوا زيادة عن اللزوم
لحد اخر الشهر السادس وفي اخر متابعة اكتشفوا ان الجنين مش بيتحرك وعملت اشاعة ثلاثية الابعاد
وعرفنا ان الجنين مشوه وكانت بنت عندها تشوه في العظام لدرجة ان الدكتور قال العظام عندها عاملة زي البدرة وكمان اثناء حركتها في الحمل كسرت رجليها وكمان عندها تكيس علي الكليتين وسالت شيخ ولفيت كتير عشان انزلها وفي الاخر نزلتها بعد تعب كتير بعملية قيصرية
وفعلا كان فيها اللي موجود في الاشاعة وماتت بمجرد قطع الحبل السري والحمد لله وانا وجوزي مش قرايب ولا في حد عندنا كان فيه حاجة زي كده
وخايفة احمل مرة تانية احسن لا قدر الله يحصل التاني وعمري ما خدت اي ادوية وانا حامل الا بعلم الطبيب ارجوكوا اللي عندها فكرة تطمني او شافت حد حصل معاه زي كده وبعدين حملت حمل سليم
وكمان بعد العملية عملت كل التحاليل والحمد لله مفيش اي سبب ارجوكوا اللي تقدر تفيدني تردي عليا
وجزاكم الله خير
مي الحداد مي الحداد فتكات حبوبة Fatakat 1026810 القاهرة – مصر
سبحان الله و بحمده