السلام عليكم يا أحلى عسولات
أنا لاحظت إنه فيه بنات كتير بتشكتي من وجع الظهر أو وجع العضلات مع الحمل وكنت برد بس قلت أعمل موضوع يمكن أفيدكم وتدعولي
بس ياااااااااااااااااريت تسألوا دكاتركم قبل ما تاخذوا أي حاجة لو سمحتم…بكررر تاني..اسألوا الدكتووور أو الصيدلي على الأقل
انا دلوقتي بنص السابع..ربنا يتمم لي ويتمم ليكم على خير
مش عايشة بمصر، عايشة بألمانيا وبتابع هنا مع الدكتور..قبل شهرين بدأ معايا وجع ظهر وعضلات خاصة بالعظمة اللي بين البطن والفخذ مش عارفه اسمها إيه وكنت لما بتقلب ع السرير أو بقوم بتوجعني بشكل رهيب ولما رحت للدكتور أول ما قلت له وصف لي فيتامينات مغنيسوم 225 ملي غرام -حبة باليوم
كنت مستغربة جدااااااااااا وعملت بحث بالعربي ملقتيتش معلومات مفيدة بس بالأنكليزي والألماني معلومااااات كتيير إنه مفيد جدا للعضلات وبيقويها وبيعيد بناء الأنسجة وكمان بيزيد فعالية الكالسيوم وبينصحوا الحوامل تاخذ مغنيسيوم وحتى زوجي دكتور بس مش نسا لما سألته قال لي مش عارف..عمري ما سمعت عن المغنيسيوم للحوامل..سمعت بس عن الكالسيوم بس طالما الدكتور وصفه ليكي فخذيه لأنه هنا بألمانيا بيمشوا على جداول ودراسات
وبالفعل…يومين تلاتة والألم اختفففففففى خااااااااااالص الحمددددددد لله واستمريت عليه والمفروض أستمر لآخر الحمل..في يوم قبل أسبوعين كنت مجتمعة مع صحباتي عربيات هنا وبنتكلم عن الحمل وبيسألوني وبينصحوني فسألتني وحده وصفوا لك مغنيسيوم؟؟ده سحررررررررررر …قلت لها آآه..أتاري كل البنات اللي بيحملوا هنا دكاترتهم وصفوه ليهم عشان الآلام تخف.
الأسبوع اللي فات أختي بتكلمني نت ..هي حامل برضه وبيني وبيني 3 أسابيع أقل مني ربنا يحفظها ويقومها بالسلامة وبتقولي لي إنه وجع الظهر معاها رهييييب ومش قادرة ..أختي صيدلانية وزوجها صيدلاني ..قلت لها طيب جربي تاخذي مغنيسيوم لأنه الدكتور وصفه لي..جاب لها زوجها مغنيسيوم 250 ملي غرام وآمن للحوامل..بكلم مامتي مبارح بتقول لي الوجع خف جداااااااا وأختك مش مصدقة.
دلوقتي رغيت كتير بس حبيت أفيدكم بتجربتي .. اسألوا الدكتور لما تروحوا عن المغنيسيوم وشوفوا حيقول لكم إيه..بس أرجووووووووووكم ماتخذوش حاجة من دماغكم….حبيت أشاركم تجربتي لأنه ممكن الدكاترة بمصر لسه ما وصلتش ليهم الدراسات الحديثة دي أو بيكسلوا ..اسألواهم وشوفوا حيقولوا لكم إيه
أوووو دوروا بالنت عن أكلات فيها مغنيسيوم كتيير..أكيد حتساعد
وبالآخر …مش عايزة غير دعوة لأمي ربنا يطمن قلبها على أخويا الغاااايب
حبة هيل مستوية حبة هيل مستوية فتكات متميزة Fatakat 190337 القاهرة – مصر