بسم الله الرحمن الرحيم
طبعا الحمل له تعب ومعاناه ربنا يتمم لكل الحوامل على خير ويقومهم بالسلامه
والحموضه في الشهور الاخيره بتبقى متعبه جدا انا واحده من الناس الحموضه كانت بتعزبنى وممكن ابقى في مشوار ويجلى حموضه ادخل الصيدليه جرى واجيب الدواء واشربه حتى قبل ما ادفع الفلوس من كتر الالم
ده في حملى الاول
والمره دى كمان الحموضه مبتنيمنيش طول الليل ولازم اخد دواء الحموضه قبل ما انام وممكن اصحى من النوم اخده تانى
بس انا من تجربتى لاحظت كم حاجه ممكن تساعد وتقلل من الحموضه
اولا
حاولى تقللى او تمنى المقليات واى شئ في زيوت عاليه زى المكسرات الاكل المسبك ولو هتاكليهم يبقى قبل النوم على الاقل 6 ساعات هيفرق معاكى كتير
ثانيا
امنعى الاكل عموما قبل النوم بساعتين على الاكل ويبقى العشاء في زبادى
ثالثا
الخيار المتلج اه بجد حتى الخيار في الفريزر وقبل ما يتجمد كليه هيريحك جدا
رابعا
الكالسيوم الى بناخده متاخريهوش يعنى متاخديهوش قبل النوم انا لاحظتها كزا مره واتاكدت لما خلص ونسيت اشترى كم يوم لاحظت ان مش بيجيلى حموضه ولا باخد دواء الحموضه فديما خديه في نص اليوم بس طبعا متجمعيوش مع الحديد يعنى ميتاخدوش سواء
الحاجات دى ملاحظاتى الشخصيه وتجربتى مع الحموضه والحمل
ربنا يتمم لكل الحوامل على خير ويقومنا جميعا بالسلامه احنا والبيببيهات يااااااااااااااااارب
ويرزق كل مشتاقه ويفرح قلبها
ويخلى ويحفظ اولادنا جميعا
ويحفظ مصر ويحميها ويبعد عنها كل شر
ويستر نسائها وبناتها
مايا قلب ماما مايا قلب ماما images/flowersavatars/avatar0015.jpg فتكات غالية قوي Fatakat 283448 الدمام – السعوديه