السلام عليكم ورحمة الله وبركاته
ازيكو يا فتوكات عاملين أيه أنا هخدخل في الموضوع على طول
أنا يابنات حملت مرتين قبل كده ونمو الجنين وقف بعد ست أسابيع في الحملين
مش عارفين ايه السبب وعملنا كل حاجه أنا وزوجي بس الحمد لله على كل حال
المهم ولا كان بيكون في دم ولا ألم والدكتورة تقرر أنها تنزله بعملية طبعا
دلوقتي أنا حملت للمرة التالتة الحمدلله واخر دورة كانت يوم واحد يناير 1/1/2016
والدكتورة قالت المفروض يبقا عمره سبع اسابيع بس في السونار بيبان الكيس عمره أربع أسابيع بس
وقلنا يمكن الحمل حصل متأخر عشان كنت باخد كلوميد(منشط)
يوم الخميس بالليل يعني من أربع أيام كده وأنا نازل عليا دم
ومش عارفة من أيه ومش عايز يقف أقل من دم الدورة بشوية
وعلى فكرة أنا باخد أبر الكلكسان لسيولة الدم وأسبوسيد(إسبرين أطفال)
عشان الدكتورة قالتلي ممكن يكون الإجهاض في المرتين اللي فاتو بسبب تجلط الدم وعدم وصوله للجنين
بس الغريب انها معملتليش تحليل عشان تشوف هل فعلا في تجلط والا لأ
لأني قرأت في منتديات كتير من تجارب البنات أنهم بيعملو تحليل الأجسام المضادة ويشوفو نسبة التجلط في الدم
بس هيا قالتلي نعمل التحليل الرقمي عشان يبين نسبة هرمون الحمل ونكرره بعد يومين عشان نشوف بتضاعف والا لأ ونطمن
أنا عملت الأولاني وطلعت النتيجة 2126 يعني أربع أسابيع
زي السونار وكررته تاني النهردة والنتيجة هتظهر بكرة إن شاء الله
ادعولي ان النسبة تكون اتضاعفت يابنات عشان أنا قلقانة أوي
في حد بقا حصلو حاجة زيي كده أو حد يعرف أيه ممكن يكون سبب نزول الدم ده
معليش يابنات طولت عليكم وأزعجتكم معايا بس ده من العشم وعشان بشوف وقفتكم جنب البنات
ربنا يخلينا كلنا لبعض في أحسن بيت عيلة ((فتكات))
**اللؤلؤة** **اللؤلؤة** 152238_2.gif سوبر فتكات Fatakat 152238 FATAKAT – FATAKAT