السلام عليكم ورحمة الله وبركاته
حبيت احكى معاكم حكايتى فى ادم وعملية الحقن المجهرى يمكن ربنا يكرمكم وتستفيدوا بالتجربة دى
فى الاول لما قلقت انه محصلش حمل فى فترة زواجى بعد سنة ونصف ابتديت اسأل اروح فين واكشف مع مين فالحمد لله ربنا الهمنى بمستشفى ادم وروحت
كشفت ثانى يوم فى البريود زى ما سألت وعرفت واول ما روحت دخلت على قسم الاستقبال وفتحوا لى ملف واخدت منهم كارت للمتابعة وبعدها دخلت للدكتورة
والحمد لله قالتلى انه كله كويس وطلبت منى تحاليل هرمونات وتحاليل تانية كتيرة وكله كان كويس فيما عدا تحاليل الهرمونات وكتبوالى على سيدوفاج لتظبيط الهرمونات لمدة شهرين . اخدت العلاج والحمد لله كله بقا كويس وبعدين الدكتورة قالتلى لازم كمان جوزك يكشف وحجزنا مع دكتور الذكورة فى الاول قابلنا دكتور الذكورة الاستشارى وبعد ها دخلنا لدكتور مدحت عامر.
المهم دخلنا مع الدكتور كشف على زوجى وقال انه فى دوالى وكمان طلب منه تحليل سائل منوى وعمل زوجى التحليل وكانت الحركة ضعيفة وهو ده اللى عمل المشكلة وطلب منا الدكتور اننا نعمل عملية الدوالى وفعلا تم حجز يوم لعملية الدوالى والتعليمات انه لازم تيجى وانت صايم 8 ساعات علشان التخدير
وعملنا العملية والطبيب طلب لينا اننا نعيد التحليل بعد 3 شهور
وبعد 3 شهور كانت النتيجة زى ماهى فطلب مننا اننا ننظر 3 شهور تانين علشان نتيجة العملية بتكون من 3 شهور الى 9 شهور المهم انتظرنا كمان 3 شهور تانيين وبعدين عمل زوجى التحليل ومكنش لسه فى تحسن ملحوظ .
وبعدها قررنا اننا نقابل دكتور مدحت عامر علشان احنا مكناش عايزين نضيع الوقت
وبعدها دخلنا لدكتورمدحت وكان بصراحة مقابلته لينا مش هقدر اقول انها كويسة قوى بس كفاية انى اقول اننا ارتحنا وقلبنا بقا مطمئن وقدرنا نتكلم معاه بكل صراحة وهو قالنا انسب حاجة لينا هى عملية الحقن المجهرى ونصحنا بكده علشان ميبقاش مضيعة للوقت وكمان مصاريف وقال لنا ان نسبة نجاح العملية بالنسبة لينا هى 65% قلنا الحمد لله واخدنا بنصيحة دكتور مدحت اللى كانت فوق الرائعة .
وبدانا فى اجراءات العملية وكنت انا مضبطة الهرمونات وحجزت اليوم العشرين من الدورة للجنة الطبية وقابلنا فيها د/ مها الشاهد وكتبتلى على علاج وقالتلى
اجى تانى يوم الدورة علشان اعمل سونار وتحليل E2 . واستمرينا فى المتابعة قبل العملية لحوالى اسبوعين تقريبا وبعده تم تحديد موعد العملية وعملت عملية شفط البويضات وبعده تم النقل فى اليوم الخامس وده عرفته من الحضانة ان مش كل الحالات بتنقل فى اليوم الخامس وكل حالة على حسب حالتها.
وكتبوالى على علاج ومثبتات وقالولى اعملى التحليل فى اليوم ال16 واول 3 ايام لازم راحة تامة وبعدال3 ايام اتحرك فى البيت بس معملش اى مجهود وعملت التحليل والحمد لله رب العالمين لقيت نفسى حامل بفضل ربنا
وبصراحة وللامانة كل الناس اتعاملوا معايا بطريقة محترمة من اول ممرضة الدور الى مشرفة العمليات الى الطبيبة اللى نقلتلى والحمد لله وطبعا بعد نقل الاجنة عرفت انى عندى اجنة للتجميد علشان المحاولة الثانية باذن الله هتوفر عليا تعب ومصاريف كتيير .
يارب تستفيدوا من تجربتى دى فى ادم
مالك لولو مالك لولو images/avatars/orangeflower.gif فتكات متميزة Fatakat 548674 القاهره – مصر