الموضوع ده انا نا قلاه من واحده هنا بس فادنى جدا جدا ربنا يباركلها ويجازيها كل خير
والسرنجه اللى استعملتها 10 سم هى المظبوطة على الحلمة
وبدهن مامى كير كريم على الحلمه بعد كل رضعه
بس المفروض انه من الشهر السادس للحمل ندهن بانثينول مرطب للحلمات عشان تبقى طرية ومتتعبش فى الرضاعة
الموضوع :
السلام عليكم
ازيكم يا فتوكات اخباركم ايه
انا بكتب ليكم الموضوع ده لانى عارفه ان المشكله دى مشاكل ستات كتير وقت الرضاعه بعد الولاده
المشكله هى عدم ابراز حلمات للثدى وده بيكون مشكله للام ومش بتعرف ترضع الطفل
لانى مفيش حلمات للثدى والمشكله دى كانت نفس مشكلتى وكنت تعبانه جدا بسبب الموضوع
ده لان الصدر من اللبن بيكون عامل زى الحجر لان البيبى بيكون مش عارف يرضع لان مفيش حلمات فى الثدى
المهم فضلت على الحال ده لمده فى حدود 10 ايام ومش قادره ارضع كنت بستعمل الشفاط اشفط بيه اللبن
وكانوا بناتى بيرضعوا صناعى
المهم لم روحنا لدكتور الاطفال قولنا على المشكله دى وهو قلنا على الحل الوحيد
اللى جاب نتيجه ممتااااااااااااازه وهيجيب مع اى ام بردو نفس النتيجه
والحل هو انك تجيبى حقنه كبيره زى دى كده
وهتييجى عند مكان الابره بتاعت الحقنه وتقطعيه بالسكينه
وبعدين تحطى الفتحه مكان ما قطعناها فى حلمه الثدى وهتفضلى تشفطى بالحقنه
هتتوجغى شويه بسيط استحملى مش بتوجع جامد وهتسحبى بالحقنه هتلاقى فى لبن طالع مش مشكله
وبعدين تشيليها وترضعى علطول طفلك هتعمليها كام مره مرتين ولا تلاته بنفس الحكايه وهتلاقى حلمات الصدر ظهرت وثبتت وكل حاجه تمام
ومش هتتوجعى تانى ودى الطريقه الوحيده اللى هتجيب نتيجه
انا حبيبت افيد اى واحده هتتعب فى الموضوع ده لانه انا تعبت بسب الموضوع ده
والحمد لله الطريقه دى ممتااااااااااااازه
وربنا يقوم كل حامل بالسلامه يارب
ويرزقك مشتاااااقه يارب
مع السلامه يا فتوكات
سجدة خاشعة سجدة خاشعة فتكات رائعة Fatakat 438775 دمنهور – مصر