السلام عليكم
ربنا يقوم كل الحوامل علي خير يارب ويرزق كل مشتاقه يارب عن قريب يارب
في كتاب طبي كنت بقراه فلاقيته كاتب كيفيه معالجه الحلمه الغائره لأن دي بتبقي مشكله في الرضاعه كمان بيأكد ان الحلمه بتدخل لجوه اكتر لما يتملا لبن و بيبقي صعب تطلعها للنونو
بإتباع هذه الطريقه في الشهور الأخيره من الحمل يعني مثلا من أول التامن ولا أول السابع
دهان الحلمه بكريم مرطب و شدها للخارج 3 مرات يوميا لمده لا تقل عن 10 دقائق
عدم غسل الحلمه بالصابون أثناء الأستحمام في الأيام قبل الولاده مباشره لأن الصابون يذيب المواد الدهنيه التي تفرزها الحلمه للحفاظ علي نفسها من التشقق
ملحوظه شدي الحلمه بس متضغطيش علي الصدر نفسه علشان مينزلشي لبن قبل وقته
أنا بأكد أهو شد الحلمه بس
و أكد الدكتور ان الوقايه خير الففففففففف مره من العلاج في الحاله دي يعني الست تهتم بالموضوع من قبل الولاده بوقت كافي لأن لاقدر الله لو حصل تشقق او نزول دم من الحلمه حتوقف الرضاعه فالثدي حيتقل من اللبن و يلتهب من كتر اللبن المحبوس
والنونو مش حيرضع يومين منها لحد ما تتحسن
كامن قال ان بعد الولاده من 3 ل 5 أيام الثدي بيحصله التاهابات سخونه و وجع فنصح بالكمادات الساقعه كل ساعه تعمل ربع ساعه كمادات و متوقفشي الرضاعه نهائيا علشان اللبن ميتجمعشي و يزود الاتهاب
وقال لو الموضوع متحسنشي خلا 24 ساعه تسأل الطبيب ممكن يكتب لها دوا يساعد بس متوقفشي الكمادات خالص
سؤال بقي للناس اللي عندها تجربه عمليه
عملت ايه في موضوع الرضاعه ده و الحلمه المفروض تبقي اد ايه مناسب للرضاعه
انا اصلي شيفه طولها ربع عقله صباع فهل ده يرضع نونو و حتي لما اشدها تبقي اقل من نص عقله الصباع
متبخلوش علينا بالأفاده
ياريت كل واحد تدعي للحوامل يقوموا بالسلامه و يرزقهم اطفال اصحاء يارب و يرزق كل اللي نفسها ف الحمل ياااااااااارب
بنوته توتا بنوته توتا فتكات رائعة Fatakat 338091 مصر – مصر