الفتوكات العزيزات
اسال الله ان ينفع الجميع بالمعلومات دي و هي من قلب صادق لاني مريت بالتجارب دي بنفسي
الحالة النفسية هي اهم حاجة للحمل و عن تجربة فضلت متجوزة سنتين و مفيش موانع و الشهرين الوحيدين اللي كانت فيهم اعصابي هادية و رايقة هما دول اللي حصل فيهم الحمل هاقول لك ايه اضرار الحالة النفسية السيئة علي الحمل و هاقول لك ازاي تعالجي حالتك مش عشان الحمل و بس لا عشان تعيشي سعيدة طول عمرك
اولا:ازاي الحالة النفسية بتؤثر علي الحمل
1_الحالة النفسية السيئة بتؤثر علي الغدة النخامية اللي مسئولة عن افراز هرمونات التبويض فتتلخبط هرموناتها
2_الحالة النفسية الوحشة تخلي الغدة النخامية تفرز برولاكتين اعلي و اللي بيكون مضاد لهرمونات الاستروجين و البروجسترون المسئولين عن التبويض
3_الحالة النفسية السيئة و التوتر بيعملوا تشنج في العضلات و تشنج في قناة فالوب و الرحم فما يحصلش اخصاب او البويضة المخصبة مش تطلع الرحم او لو طلعت
الرحم المتشنج يلفظها ما تتزرعش فيه
4_التوتر و القلق بيزودوا نشاط جهاز المناعة و اللي ممكن ينتج اجسام مضادة ضد الجنين اللي لسه متكون فيموت قبل نزول الدورة
العلاج
و ده عن تجربة شخصية
و ربنا يجعله في ميزان د.ابراهيم الفقي الله يرحمه رحمة واسعة
1_احنا اللي بنصنع اكتئابنا بايدينا مش الاحداث اللي حوالينا ((نصيحة مني لما تلاقي نفسك تعبانة خدي نفس عميق و طلعيه و ابتسمي ابتسامة مزيفة حتي لو حسيتي انك عبيطة بالابتسامة دي هيتغير احساسك في ساعتها لان احاسيسنا مرتبطة بحركات جسمنا و تعبيرات وشنا و لو قفشتي نفسك مكشرة حواجبك افرديها و ابتسمي هتلاقي نفسيتك اتغيرت في ساعتها))))
2_الاكتئاب بييجي من كتر الافكار السلبية في دماغنا فلو سمحتي خدي مع نفسك عهد اني مش هافكر في اي شئ سلبي او بينكد عليا و هاخلي تفكيري منحصر في الافكار الجميلة من الاخر مش تنكدي علي نفسك لا تولي مسئولية انك تسعديها لانك لو مش اسعدتيها ما حدش هيسعدها غيرك و اوعي تكوني قاسية علي نفسك ترهقيها و تعذبيها
يعني لو الدنيا والعة حواليكي مشاكل و خناقات و انتي بتفكري في خروجة حلوة و لا استرخاء او دلع لنفسك هيفرق معاكي حاجة؟ اتعلمي تزيحي عن قلبك عشان ترتاحي
3-وثقي علاقتك بالله((و من أعرض عن ذكري فإن له معيشة ضنكا و نحشره يوم القيامة أعمي))) ثبتي ورد قران و استغفار يوميا
4_ساعات بنصحي الصبح متضايقين مش عارفين ايه السبب.بيكون السبب ان عندنا مشاكل في حياتنا سيبناها من غير حل و بنفضل تايهين في الاحاسيس السلبية
خللي شعارك ((((مش هافكر في المشكلة هافكر في حلها))
و الحل بيكون كالاتي حددي المشكلة
ايه سببها
احلها ازاي
اذا اتحلت خير و بركة و لو ما اتحلتش تبقي خلصتي من الاحاسيس السلبية
و عن تجربة صدقوني لما نفذت الخطوات دي مع لزوم الاستغفار البسيط ما كانش كتير ما كانش اكتر من 200 مرة في اليوم ربنا رزقني الحمل مرتين
محبة طيبة محبة طيبة 195515_1.gif فتكات متميزة Fatakat 195515 بلدي – مصر