السلام عليكم ورحمة الله وبركاتة
ازيكم يافتاتيك عاملين اية
والله وحشونى
انا بقى هقولكم على حاجة جميلة جدا ومريحة جدا للعناية بالمنطقة الحساسة
اول حاجة نبتدى مثلا من اول يوم البريود
بصى ياقمرايا
ااولا التنظيف الدائم
ثانيا استخدام فوط صحية على جودة عالية مثل اولويز وسندريلا انا عن نفسى بستعمل اولويز الترا
تغير الفوطة الصحية من وقت لاخر بمعنى يعنى لو حسيتى ان الفوطة ممتلئة تغيريها بسرعة عشان متعملكيش التهابات
ثالثا تجنبى شيل الاثاث والمراتب الثقيلة علشان ظهرك فى هذة المدة بيكون مفتوح
بعد اما البريود تخلص تعملى اية بقى تروحى مستحمية ومطهرة منها كويس وانتى عارفة ازاى
ولاحسن تكونى قاعدة فى البانيو واللى معندهاش بانيو تستخدم طشت صاج لان اللى جاى كلو هيبقى فى البانيو
يعنى اة الكلام دة ياقمراية
انتى بعد متستحمى كويس وتطهرى كويس تجيبى شوية ملح لوانتى عندك بانيو طبعا هتملية على الاخر
يعنى مثلا يجى نصف كوباية ملح خشن لية بقى خشن عشان ميدوبش فى ساعتها وبالتالى تستفيدى من الملح
وبعد كدة تملى البانيو وتحطى الملح وتقعدى فى لمدة ربع ساعة
طب احنا بنعمل الكلام دة كلة لية بقى ؟؟؟؟؟؟؟؟؟؟هقولك لية عشان لو فى الفطريات والبكتريا بتاعت البريود تموت وتطهر
ولو معندكيش بانيو تجيبى الطشت وتحطى فية ذى معلقة ملح كبيرة وتقعدى فية بردة
حاجة تانية تجنبى العطور على المنطقة الحساسة لانها بتعمل التهابات واسمرار جامد
هقولك تعملة اية عشان تحافظى على نظافة وريحة المنطقة الحساسة
عارفة ماية المورد تروحى واخدة حبة فى ايدك كدة وتدعكى بيها المنطقة الحساسة
وبكدة بتكونى نظيفة 100% ومش هيبقى فى حرج
حاجة تانية علشان الحبوب اللى بتطلع فى المنطقة الحساسة ودا طبعا سببها استخدام السويت
طب هتعملى اية بعد السويت ؟؟؟؟؟؟؟؟؟؟؟ عارفة بودرة التلك بتاعة الاطفال ممكن تجبيها من الصيدلية
بعد متعملى السويت على طول وتشطفى مترحها تجيبى شوية بودرة تلك وتحطيها مكان معملتى السويت وبكدة مفيش حبوب تانى هتطلعلك
وعشان الاماكن الداكنة اللى بين الفخدين هقولك تعملى ايه فى كريم اسمة تريتوسبوت ودا والله عن تجربة وانا مجرباة وهو تقريبا ب6جنية
ومش غالى خالص
وبتحطية مرتين يوميا فى خلال 10 ايام ستصبح المنطقة الحساسة ناصعة البياض
بس خلى بالك تجنبية لوعندك تسلخات اوالتهابات فى المنطقة الحساسة
وبكدة اكون خلصت نصايحى المجربة للمنطقة الحساسة (معلشى نسيت اقولكو حاجة لما تيجى ترمى الفوطة الصحية اغسليها الاول قبل مترميها علشان حرام حد يشوف دمك ولفيها فى جرنال وكيسة بلاستيك عشان محدش يشوفها وشكراليكم)
ويارب اكون افدتكوم
ومعلش انا اسفة انى طولت عليكم
والسلام عليكم ورحمة الله وبركاتة
النانو النانو 744042_2.gif فتكات رائعة Fatakat 744042 اسكندرية – مصر
سبحان الله و بحمده