السلام عليكم يا اخواتي
أنا عضوة معاكم هنا وكنت حكيت مشكلتي في الحمل ودا اللينك بتاع الموضوع
https://fatakat.univanet.com/#3169525
الحمد لله على كل حال ولدت في الاسبوع التلاتين قبل ميعادي ب 8 اسابيع نتيجه انفجار في المشيمه بسببه اضطر الدكاتره يعملولي قيصريه ويخرجوا البيبي على الحضانه واحنا الاتنين كنا في خطر
ابني في الحضانه من من خمس اسابيع ومحطوط على جهاز التنفس الصناعي لان رئتينه لسه مش شغالين لحد دلوقت
مهري تحاليل واشعات ومحاليل وقرح والتهابات وجروح والحمد لله على كل حال
ماحضنتوش من ساعت ما اتولد وماضمتوش لصدري ومارضعتوش زي اي ام واللبن جف خلاص في صدري وكل ام جربت الرضاعه عارفه يعني ايه تتحرم من رضاعه ابنها والحليب يجف في صدرها
بروحله كل يوم المحضن وبيبقى ايدي على قلبي وبدعي ربنا ماسمعش خبر يوجعني وبفضل ادعيله واقراله قران ان ربنا يفك اسره ويرحم جسمه الضعيف دا من الابر والكانيولات الي في كل حته في جسمه ويردهولي واضمه لحضني
كلام كتير اوي جوايا واحاسيس كتير يعجز الكلام عن التعبير عنها
ادعولوا بالله عليكم ربنا يرده ليا واخده في حضني ويشفيه شفاء لا يغادر سقما
وياريت اللي مرت بنفس التجربه تحكيلي عن تجربتها
جزاكم الله خير
كحيلة ** كحيلة ** فتكات متميزة Fatakat 613965 القاهره – مصر