السلام عليكم
يوم السبت يا بنات اجهضت لتالت مره وكانت المره دى فى شهر وعشر ايام اه اى نعم انا ملحقتش احس بيه اوى زى المرتين اللى فاتوا بس احساس الامومه هيموتنى وعندى شعور كبير بالذنب بقول يمكن اكون انا السبب فى الاجهاض عشان اهمالى ولا مش عارفه انا عملت ذنب مثلا وده عقاب مع انى الحمدلله مقربه من ربنا على قد ما اقدر انا الصراحه تعبانه اوى ونفسيتى زى الزفت لدرجه انى فكرت اتطلق من جوزى انا عارفه انه ملهوش ذنب بس هو كمان انا حاسه انه بيبصلى بنظره تأنيب انا كمان مليش ذنب وكنت بدعى ربنا كتير انه يكملى على خير وبرضه بعمل اللى الدكاتره بيقولولى عليه سبحان الله استغفر الله العظيم
يارب صبرنى على الابتلائات دى واكرمنى يارب العالمين انا وبنات المسلمين جميعآ وابعد عن الناس اللى معندهومش رحمه اللى ممكن يكونوا نسيوا ان ربنا هو اللى بيعطى وربنا هو اللى بياخد بنات كتير اتجوزوا معايا وربنا كرمهم وحملو وبيداروا نفسهم منى دلوقتى زى ما اكون هاحسدهم مع انى والله العظيم على طول ادعيلهم ان ربنا يكملهم على خير اولادهم هقول ايه بس
لله ما اعطى زلله ما أخذ
اللهم اجيرنى فى مصيبتى وأخلفنى خيرآ منها
يارب ماتكتب التجربه دى على حد
يارب اكرم بنات المسلمين جميعآ بالخلف الصالح
ادعولى بالله عليكم يمكن دعوه واحده فيكم تلاقى ساعه اجابه من ربنا
golden geena golden geena images/avatars/purpleflower.jpg فتكات رائعة Fatakat 203106 الجيزه – مصر
سبحان الله و بحمده