انا متجوزة من سنة 2024 واتفقت مع جوزى مش هنخلف غير بعد 3 سنين لانى وقتها كنت صغيرة وعايزة اعيش حياتى الاول ودى كانت غلطة
عمرى وعقاب ربنا عملنا تحاليل عشان اطمن انا وجوزى وكلها زى الفل انا وهو وقلت الحمد للة كلة تمام وبعد 3سنين قولت لجوزى كفاية كدة ممكن
نخلف وكأن انا اللى فى إيدى كل شى اخلف فى الوقت اللى على مزاجى استغفر اللة العظيم يا رب وقعدنا سنة بنحاول ومفيش حمل بيحصل فروحنا
للدكتور ومعانا جميع التحاليل اللى عملناها من 3سنين فقال كل تمام وادانى منشطات عشان نزود عدد البويضات واحجامها لزيادة احتمال الحمل
وحددلنا ميعاد للجماع تقريبا اليوم ال12 او 13 من البيريوت واخذت ابرة تفجيرية عشان تخرج البويضات فى ميعاد الجماع وقعدنا كل شهر على نفس
السيناريو ومفيش نتيجة وعدت سنة فالدكتور قال مفيش غير التلقيح الصناعى وفعلا اتفقت معاة واخذت كورس الابر استعدادا للتلقيح الصناعى وجاء
اليوم اللى هعملها فية فقال لجوزى روح المعمل واديهم عينة من الحيوانات المنوية عشان يفصلوا السريع والبطى عن المشوة والميت ويعطوا منشطات
للبطى عشان يقوة واخدنا ورقة التحليل اللى بتبين عددهم وسرعتهم قبل وبعد بالاضافة الى انبوبة فيها الحيوانات المغسولة واللى هتتحقن ورحنا على طول للدكتور فاخدها وقبل ما يحقنها شاف الورقة التحليل فانصدم ممممممممممممم
العدد اقل من عشرين مليون والحركة ضعيفة جدا شوفتوا حكمة ربنا
من 3سنين العدد كان فوق 40 مليون والسرعة فوق 70 فى المية يعنى فوق الممتاز …
قالنا طبعا ما ينفعش تلقيح صناعى بالنتيجة دى لازم تروح لدكتور عقم وتاخد ادوية ولو ما جبتش نتيجة تعملوا حقن مجهرى او ااطفال انابيب ورحنا
لدكاترة كتير وكلهم نفس العلاج لمدة 3 شهور ونعمل تحليل النتيجة تقدم بسيط وقعدنا سنين نحاول مع دكاترة كتير المهم النتيجة اتحسنت شوية ورحنا
للدكتور بتاعى وقولنالة النتيجة تنفع نعمل بيها تلقيح صناعى فقال ايوة وعملنا 3 مرات تلقيح صناعى عندة ..
كشف الدكتور 70 او 80 جنية
ايد الدكتور 400 جنية فى المرة الواحدة
المعمل 250 جنية فى المرة الواحدة
الابر كلها فى حدود 400 تقريبا يعنى كلهم الف وشوية
3 مرات تلقيح صناعى مفيش نتيجة فى مستشفى الندى فزهقت وجالى احباط ونفسيتى تعبت وقعدت اعيط من حرمانى من نعمة الاطفال يا رب ما تحرم اى حد من نعمة الخلفة وارزق كل محروم يا رب …
وقعدت لمدة 4 سنين غير 3 سنين اللى كنت منعة فيها يعنى 7 سنين وبعدين قريت على النت على تجربة واحدة فى مستشفى الحسين الجامعى
وحدة الاخصاب المساعد فقولت اروح واجرب روحت طبعا المستشفى زحمة جدا المستوى بتاع الناس من قرى بس مستوى النظافة بتاعت
المستشفى والدكاترة كويسين جدا . الكشف رخيص جدا اول مرة 10 جنية ويعملك ملف وكارنية وبعدين باقى المرات ببلاش .دخلنا عند دكتور عقم
وقال اعملوا تحليل حيوان منوى فى المستشفى عملناة بى 20 جنية برة بعملة 70 و 60 جنية والنتيجة ظهرت قالنا ممكن نكمل ادوية او تعملوا تلقيح
صناعى على طول قلنا نجرب تلقيح فدخلنا عند دكتورة نساء فقالت نبتدى من اول بيريوت تيجى وكتبتلى منشطات وادوية استعدادا للتلقيح وتابعت
معايا بس كل مرة متابعة مع دكتور شكل بس بيقرأة كل حاجة من الملف ويكمل على اللى بعدة وحددلى ميعاد التلقيح وعملتة قولوة بكام؟؟
التلقيح 130 جنية بكل حاجة بالمعمل والدكتور ومحصلش نصيب فعملتها تانى مرة جابت نتيجة والحمد للة حامل فى بنوتة ::
سبحان اللة روحت للغالى مجبش نتيجة وروحت للرخيص جاب نتيجة سبحان اللة ربنا اذا اراد شى وكلة بميعاد
ودى تجربتى مع المستشفى فكل وحدة ربنا ما رزقهاش تروح وان شاء اللة خير بس تستحمل الزحمة من اجل عيون طفل او طفلة
وارزق يا رب كل المحروم من نعمة الاطفال امين يا رب العالمين …
ارجو التقييم عشان كلة يستفاد ونثبت الموضوع
jana cute jana cute فتكات متميزة Fatakat 524301 القاهرة – مصر