مين فينا مش بتحمل أنها تكون أم وتحمل من أول يوم في الجواز؟
مين فينا مش نفسها تضم بيبي زي القمر بعد تسع شهور ولادة تعب وسهر وترجيع ههههههههههههههه وأعراض ما يعلم بيها إلا ربنا
طبعا أنا مجربتش كل دا لسه أدعولي أجربه.. نيجي للمهم بقي
أنا لاحظت أنه بنات كتيرة أوي في قسم الاستشارات الطبية بتكون مش عارفه أعراض الولادة وتقعد يا عيني تسأل وتخاف البنوتة بتاعتها ولاالواد يقع منها علي باب البيت وهي رايحه المستشفي هههههههههههههه
قلت بقي اعمل موضوع شااااااااااااااااااااامل وحصري عن أعراض الولادة أولا
وبعدين كيفية العناية بالمولود والتعرف عليه أنه سليم وصحي ولا لا من خلال بعض الفحوصات وأهمها الوزن
والعناية بالثدي وازاي الواحدة اللي بتولد تقدر تدر اللبن في ثدييها ان شاء الله عشان ترضع المولود
وكماااااااااااااااان مرض اسمه اكتئاب ما بعد الولادة لازم كلنا نعرف بيه عشان نتجنبه ان شاء الله
والعناية بنفسك طبعا بعد ما تقومي بالسلامة كدا وتجيبي نونو عسوووووووووولة زي دا
هههههههههههههه صاحب مزاج أوي او يمكن يطلع زي دا كدا
نيجي للكلام المهم بقي وهي أعراض الولادة
الولادة تلت مراحل المرحلة الأولي
الألم من 8 ساعات لغاية 12 ساعه وفيها بيكون عنق الرحم بيبتدي يتسع لغاية المفروض ما يفتح مسافه 10 سم عند الولادة وهي اللي بتكفي رأس الطفل طبعا
وطبعا بيكون الألم في منطقة الحوض والضهر والسرة والفتحه التناسليه ودا بنسميه الطلق.. كدا تمام؟
طبعا مع الألام دي كلها بتظهر علامات مع قرب الولادة زي نزول افرازات مخاطية بدم او افرازات وماء لونها أخضر أ ماء من دون لون او رائحة أو حتي نزول دم صافي بقي وفي الحالة دي تجري علي المستشفي عشان متولديش في التاكسي … لو مظهرتش العلامات دي ولاقيتي انقباض كل خمس دقايق أو خبط في ضهرك برضه تبقي علامة ولادة
انصحك في خلال ساعات الطلق دي تاكلي تمر وتحاولي تتمشي في البيت كل شوية ومطلوب منك متشديش بطنك لتحت وتنامي علي جمبك وتتنفسي بصورة منتظمة نفس عميق وممكن تاخدي دش دافيء طالما العلامة منزلتش
المرحلة التانية
من 10 دقيقة لحد نص ساعه مرحلة الولادة الفعلية وخروج الجنين وبعد طبعا ما الطلق كان علي فترات متقاربة وعنق الرحم اتفتح تلاقي الطفل عاوز يخرج بقي ويسلم عليكي هههههههههه طبعا الدكتور ساعتها بيديلك بنج موضعي وتبتدي تاخدي نفس لتحت زي ما تكوني بتعملي في الحمام ههههههههههه فاهمين طبعا
المرحلة التالتة
وطبعا دي مرحلة خروج المشيمة أو الخلاصة زي ما بيقولوا ودي مدتها من عشرة دقائق لحد تلت ساعه وساعتها الدكتور اول ما يلاقي المشيمة انفصلت بيشد الحبل السري ويعملك مساج علي منطقة الرحم عشان ساعده علي الانقباض وممكن تحتاجي خياطة بسيطة من تحت غرز بسيطة وبدكا تكون عملية الولادة أنتهت.
البيبي جه بالسلامة الحمد لله هتعملي أيه بقي دلوقتيهتبوسيه طبعا هههههههههه الدكتور المفروض بقي يفحصه ويشوف وزنه ويعمله بعض الاختبارات الروتينية زي أيه
سلامة الوظائف الحيوية ويقيس نبضه وردود أفعاله والتنفس وطبعا هيوزنه لو الوزن عند الولادة أأقل من 2 كيلو ونص يبقي الطفل كدا خفيف شوية ومحتاج رعاية والطفل بيقل 10 في المية من وزنه اللي بيتولد بيه خلال الأيام الأولي بعد الولادة
طول الطفل الطبيعي عند الولادة خمسين سم ومحيط الرأس يكون صغيرمن 33 لحد 37 سم غير طبعا فحص العيون والتبرز دي علامة حيوية بعد ما يتولد وكمان الأطراف كاملة وصحية والكشف علي الأعضاء التناسلية ميكونش فيها تضخم لا قدر الله أو افرازات دموية
مع امتحان الردود الا ارادية زي مثلا تمسكي ايدة .. يحس بيها مص الاصابع والبكاء
طيب نيجي للرضاعة بقي:
مش لازم اللبن ينزل في صدرك بعد الولادة علي طول وممكن يكون الثدي محتقن شوية هتعملي ايه؟
هتشربي حلبة وينسون لأنهم مدرين للحليب وكمان هتكون في أخر شهر من الولادة بتحطي زيت زيتون علي الحلمات وتعمليلهم تدليك مستمر كل يوم عشان التشققات وقبل ما ترضعيه تغسلي صدرك بالماء الدافيءعشان لو فيه افرازات دهنية عليهم
الاحتقان دا ممكن يقعد أقصي حاجه تلت ايام بس متقلقيش
ممكن كمان تعصري صدرك براحة كدا عشان يدر الحليب أو تعمليله كمادات ميا دافية أو تاخدي دش دافي يكون حلو اوي عشان جسمك مع المساج طبعا
ممكن تلاحظي بقي أنه انتي بترضعي من صدر والتاني بينزل لوحده او ممكن يكون البيبي مش بيرضع وانتي بره وصدرك بينتر لبن مكان الحلمة كدا وطبعا دا ممكن يسببلك ضيق في الشارع هتعملي ايه؟؟؟؟؟؟؟
هتروحي الصيدلية تشتري وسائد أرضاع قطنية او تحطي مناديل كلينكس في البرا من جوة عشان تتجنبي المشكلة دي
لو صدرك اتشقق واتجرح هتعملي ايه؟؟؟؟ هتحطي كريم بانثينول عليه هيهدي شوية وتبدلي شوية من الصدر دا وشوية من الناحية التانية
وياريت من وقت للتاني تسيبي الحلمات تتهوي عشان البكتيريا بين الرضعات
ياريت برضه متلبسيش برا ضيق عليكي لأنه دا ممكن يعمل إنسدد في قنوات الحليب
طيب هترضعيه كام مرة في اليوم؟
بمعدل كل ساعتين ل ساعتين ونص يعني حوالي 12 مرة في اليوم ومتنسيش الرضعه الدافية ينسون محلي يعسل النحل كل يوم بليل ان شاء الله
وماء غريب للتقلصات والمغص
وبعد ما يرضع تنيميه كدا علي بطنه عشان يتجشأ ويخرج الهوا من بطنه وتطبطبي علي ضهره براحة او زي الصورة التانيه
طيب وبالنسبة للسرة؟؟
هتعقميها مرتين في اليوم بقطنة وفيها كحول ابيض ( سبرتو ) وتغطيها بقطعة شاش صغيرة وهي هتدبل لوحدها بعد اسبوع تقريبا لعشر ايام من الولادة
طيب الصفرا… اطفال كتير بيولدوا عندهم الصفرا لو درجتها متوسطة هيخرج من المستشفي وهتعرضيه للضوء اللمبة النيون في البيت او تعرضيه للشمس الصبح بدري مرتين في اليون خمس دقايق كل مرة بس مش شمس مباشرة جامدة لا شمس دافية وكمان متلبسيهوش هدوم صفرا خالص
طيب أمتي تبقي خطر؟؟ لو قعدت أكتر من اسبوعين او لو كانت الصفرا معاها البراز لونه ابيض او فاتح أوي
طيب أخر حاجه النوم …
من الولادة لغاية تلت شهور بينام من 16 لـ 20 ساعه يوميا
من تلت شهور لـ تسع شهور بينام من ساعتين لـ خمسة بالنهار و 12 ساعة بليل
من تسع شهور لعمر سنة بينام تلت ساعات بالنهار ومن 11 لـ 12 ساعه بليل
خلاص اتكلمنا عن الطفل والرضاعه اخر حاجه هتكلم عليها هي فترة النفاس لأنها فترة مهمة أوي رغم انه بيحصل فيها أسعد حاجه لأي ست في العالم لكن كمان فيه تغيرات هرمونية هنتعرف عليها وكمان تضارب المشاعر بين الفرحة والقل والخوف من خطوة الأمومة وفي الفترة دي بيجي دور الزوج والأم لأنهم لازم يقدموا الدعم الكافي للأم الجديدة والنصايح الغنية وفيه حوالي 10 في المية من الستات ممكن يصابوا بحالة ضيق وأختناق بعد الولادة وفي مرحلة النفاس ومش لازم يكون الحمل الأول .. ممكن يحصل في أي حمل.
أعراض التغيرات النفسية بعد الولادة:
الأحاسيس أو المشاعر:
الشعور بالحزن و بالإنزعاج و باليأس
البكاء بكثرة أو عدم المقدرة على البكاء
الشعور بعدم القيمة
تذبذب المزاج
الشعور يتأنيب الضمير
فقدان الاهتمام بالأمور
فقدان الشعور بالمتعة و السعادة
الشعور بالقلق و الذعر و الإنزعاج الشديد
سرعة الغضب و الإنفعال
عدم الشعور بالطريقة التي يجب عليك الشعور بها تجاه طفلك
الأعراض الجسدية أو الجسمانية:
الشعور بعدم القوة و بالإرهاق
إضطرابات النوم
البطء ، أو السرعة الزائدة و الإضطراب و عدم القدرة على الإسترخاء
فقدان الاهتمام بالعلاقة الجنسية
تغيرات في الشهية – الأكل الزائد أو الأكل بكمية غير كافية
الأفكار- عندما يكون الناس في حالة إكتئاب يصبحون "خبراء" في التفكير السلبى الكئيب.
قدرة قليلة على التركيز
عدم القدرة على إتخاذ أى قرارات
أفكار مشوشة و غير منظمة
التصرفات:
تجنب الناس و عدم الخروج من المنزل
عدم القيام بأشياء كنت تتعودين الإستمتاع بها
عدم القيام بالواجبات اليومية – أو محاولة القيام بالكثير من الأشياء
رفض القيام بأخذ قرارات
الخلافات الكثيرة و الصراخ و فقدان القدرة عل التحكم في النفس
إذا كنت قد أشرت بعلامة على عدد من الحالات أعلاه و شعرت بهذه الحالة غالبية الوقت خلال الإسبوعين الأخيرين أو أكثر من ذلك فمن المرجح أن تكونى مصابة بنوع من أنواع الإكتئاب. أما إذا حدث هذا بعد أسابيع أو شهور من ولادة الطفل فمن المرجح أن تكونى مصابة بحالة ما من إكتئاب ما بعد الولادة.
والمفروض في الحلة دي متعزليش نفسك عن الناس وتهتمي اكتر بالطفل وبنفسك وتاخدي أعشاب مهدئة كل يوم بليل مع الاستجمام والراحه والتأمل بيساعدك أوي في التخلص من حالة الضيق والخوف اللي عندك ولو الأمر تفاقم تعرضي نفسك علي الطبيب
فيه بقي تغيرات فسيولوجية بتحصل طبعا زي نمو الشعر بيرجع لطبيعته بعد الولادة وحجم الرحم بيفضل يقل لغاية ما يرجع للطبيعي ولكن ممكن يكون حصل ترهلات في منطقة البطن حلها أيه؟؟؟؟؟ قولتولي ايه
تمارين البطن مفيش احسن منها طبعا والمشي وأنتي شدة بطنك ووزنك هيقل وممكن يرجع زي ما قبل الحمل لكن لو منزلش حاولي تمشي علي رجيم للمرضعات.
الدورة: بترجع بعد الولادة من سبعه ل تسع أسابيع وفيه ناس بترضع نضيف ومش بتجيلها البيريود أثناء الرضاعه ولاحظي انه المبيض بيرجع لكفائته تدريجيا ان شاء الله عشان فرصه حدوث حمل تاني ودا بنعرفه من انتظام البيريود واحده واحده بعد ما تولدي
ممكن برضه طبعا تحسي بعد الولادة بأمساك… أو ألم في البواسير .. أو ألم مطرح الجرح كل دا هنعالجه بأيه؟؟؟؟؟؟
تاكلي منتجات ألبان كتيرة زي الملينات الطبيعيه والزبادي واللبن الرايب وكمان تاكلي حاجات فيها ألياف زي البرتقال والخس والخيار والميا طبعا تشربي كتير عشان اللبن كمان
وتعملي كمادات ميا دافية علي مكان الجرح وعلي مكان ألم البواسير وممكن تستخدمي جيل ملين وكمان بعد ما دم النفاس يخلص مفيش مانع تستخدمي لبوس عشان لو فيه التهابات في منطقة المهبل
لو حسيتي بأي عرض من الحاجات اللي اقولها دي بعد الولادة لازم تروحي للدكتور:
لو درجة الحرارة اكتر من 38- كحة شديدة – لو رجلك وارمة جامد – لو فيه الم في منطقة بين المهبل والشرج جامد – نزيف دموي – صعوبة في التبول – لو فيه ترجيع كتير واكتر من مرة – لو فيه الم شديد في الثديين.
اظن بكدا الموضوع شاااااااااااااااااااااامل جاااااااااااااامع والله تعبت عقبال ما كتبته اتمني انكم تنوروا الموضوع بكلمة حلوة هههههههههههههههههههه اوعوا تنسو تدعولي بالذرية الصالحه والي اللقاء في لقاء اخر ان شاء الله مع حاجة جديدة في سلسلة الرضاعه والعناية بالطفل
رانيا روني رانيا روني 352282_7.gif فتكات ست الكل Fatakat 352282 القاهرة – مصر مع جوزي نور عيني ربنا يخليهولي ياااااااااااارب