السلام عليكم ورحمة الله وبركاته
ازيكم يا احلي منتدي في الدنيا دي كلهاااا
الحمد لله بعد انتظار سنتين من الجواز ربنا كرمني بالحمل يااااااااارب عقبال كل مشتاقه ياااارب يااارب فرح قلبهم زيي دلوقتي ياااااارب
انا متجوزه من سنتين وبعد ما الحمل اتاخر تسع شهور كده رحت لدكتور قالي انا عندي تكيس علي المبايض وقالي خسي واداني منشطات انا كان وزني 83 وطولي 63
فضلت اخس اخس اخس لحد ماوصلت 67 كيلو يعني خسيت 16 كيلو بس برده محصلش حمل
بعدين رحت لدكتور تاني قالي برده ان انا عندي تكيسات وقالي افضلي خسي وعملي تحاليل ولما نتيجة التحاليل طلعت طلع هرمون البرولاكتين عالي الدكتور اداني دوا اسمه دوستانيكس واداني منشطات اخدها بعد الدوره ماتيجي وبعدين اخدت الدوستانيكس ووالله مكملتش شهر وحتي برده مخدتش المنشطات ولقيت نفسي بقدرة ربنا حامل ولسه عامله التحليل انهارده الصبح وطلع خطييييين ووالله مش قادره اصدق لحد دلوقتي انهم خطيييييين وكل شويه اروح اشوف الاختبار تاني واتاكد ان خطين دي معناها يوجد حمل
يااااااه يابنات والله بتمني ربنا يفرح قلبكم ياااارب
والله قلتلكم حتي قبل ما اقول لزوجي انا حتي مش عارفه اقوله اييييه
ادعولي ربنا يثبت حملي ويرزقني بطفل سليم معافي بدون اي زياده او نقصان
معلش طولت عليكم اعذروني
لو في نصيحه قلولوي عليها بالله عليكم علشان انا مشعارفه المفروض اعمل ايه ومعملش ايه
نجمة مضيئه نجمة مضيئه images/avatars/purplestar.gif فتكات نشيطة Fatakat 463511 مصر حبيبتي – مصر حبيبتي