المره دى مش داخله اتكلم عن الحمل اللى طال انتظاره
ولا عن الروماتويد اللى هددلى حيلى
انا داخله اطلب منكوا دعوه من القلب
باختصار انا فى اليومين اللى فاتو تعبت شويه وطلب منى الدكتور
شوية تحاليل دم للأطمئنان
بس تحليل الكبد طلع مش مطمئن ده طبعا لأنى دخلت النتيجه عالنت وقريت
وامبارح التعب زاد ورحت للدكتور بدرى عن معادى معاه
واول ماشاف التحليل قرر انى لازم اتحجز من بكره فى المستشفى
لأنه مشتبه فى فيرس سى وعايز يعيد التحليل تانى وابقى تحت المتابعه
انا املى فربنا كبير انه مايطلعش عندى
انا مش عارفه اصلى عشان الهانم شرفت النهارده مع ان كل اللى حوليا كانو فاكرين ان تعبى ده اعراض حمل
بس بردو الحمد لله ربنا مش بيعمل حاجه وحشه
طالبه منكو تدعولى ربنا يسترها معايا والنتيجه تطلع سلبيه
وارجع بيتى سليمه واقعد ارغى معاكو تانى
هتوحشونى
بوبو111 بوبو111 فتكات نشيطة Fatakat 58357 القاهرة – مصر
سبحان الله و بحمده