السلام عليكم و رحمة الله و بركاته
اختكم من دمياط و اتجوزت ف اسكندرية و معلوماتي باخدها من اهل زوجي و اصحاب اختي اللي اتجوزت قبلي هنا برضه
انا طلبت مشورتكم كتير و انتوا الصراحة ما بختلوش
مشورة كمان اذا سمحتم
انا كان عندي مشكلة ف كيس ع المبيض و كل دكتور يقوللي هانمشي ع العلاج شوية و بعدين لو محصلش حمل نعمل الجراحة
المهم سنه و نص ماشية ع العلاج و كل شوية اغير الدكتور و اخر حاجة برشام منع الحمل و الحمد لله ما أثرش خالص
يوم الاتنين روحت لدكتور اسمه احمد حمدي ف مستشفى السجيني ف الابراهيمية و قاللي نعمل العملية و زوجي قاللي نعملها و خلاص و اتفقنا بس الدكتور طلب 4500 جنيه بعد الخصم كمان
و ناس دلوني على مستشفى الشاطبي و قالوا انها كويسة جدا
و نويت ان شاء الله اروح هناك بس عايزة اروح تبع دكتور كويس و هوا اللي يعملهالي
ممكن اللي تعرف دكتور كويس تبع مستشفى الشاطبي و يرضى يعملهالي هناك تقولي عليه و ربنا يجازيها خير ان شاء الله
و اللي جربت العملية دي تقولي اخبارها ايه و ليها مشاكل ولا لأ
واحدة صاحبة اختي قالت لها على دكتور اسمه اسامة الاشقر و بتقول كويس قوي قوي
اتصلنا بيه الممرضة قالت ان الحجز الفاضي من شهر سته
مستنية حد يريحني لاني بجد محتارة جدا و عايزة ارسى على حل
الكبيرة الكبيرة فتكات نشيطة Fatakat 69969 دمياط اصلا ثم الاسكندرية بعد الزواج – مصر