ازيكو يا فتاتيك الشتا جه بجوعه وبينى وبنكم انا شهيتى بابها اتخلع ههههههههه عماله اكل اكل ومش عارفه اتحكم وانا عملت رجيم بقالي يومين فاحنا عارفين ان بذره الكتان المطحونه بتنفش فى المعده وتشبع وجنين القمح شرحه والشوفان بيشبع وكلنا عارفين فوايده مش هرغى كتير وهكتبلكو فطارى النهارده بس اشربي قبلها ٢ كوب ميه وبعدها بساعه اشربي على قد ما تقدرى٥ ملاعق شوفان + علبه زبادى + معلقة عسل اسود+ معلقة قرفه +رشه جنزبيل اخليطيهم وسيبهم ربع ساعههاتى بقي كوبايه لبن خالى الدسم +معلقة بذر كتان+معلقة جنين قمح+ ٧ حبات فستق (ممكن الاستغناء عنه)+ تفاحه او اى فاكهه واضربيهم فى الخلاط انا معنديش مطحنه فعلشان بذر لكتان يطحن عملت كده وحطيهم على الشوفان وكلى انا مقدرتش اكمل الطبق شلت نصه اكله للعشا انا زودت معلقتين جنين قمح فهو طعمه مش قد كده لكن لو حطيتى معلقة صغيره هيتظبط والاكله دى كلها فوايد وسعراتها مش كتير ومفيده للعظم والقلب والقولون وفيها حديد ربنا يبعد عنا الامراض يارب ونخس بصحه
زنبقة بيضاء زنبقة بيضاء images/avatars/whiteflower.jpg فتكات رائعة Fatakat 1110486 القاهرة – مصر
سبحان الله و بحمده