السلام عليكم ورحمه الله
يافتوكات ياحلوات
انا عندى مشششششششششششششششكلة اولا انا انسه 27 سنة من اسكندرية
من سنتين كدة بدأ يجيلي وجع فضهري جامد من الاسفل ومن النص لما رحت للدكتور طلب اشعه رنين وقالى ان كل الناس عندها 5 فقرات قطنية و5 جزعيه انا ولله الحمد طبعا عندى 4 قطنية و 6 جزعية خلقه ربنا يعنى وطل غضروف صغير ودة الى سببلى الالم
ومليش حل وممنوع ازيد عن 60 كيلو وممنوع اشيل تقيل ولا اقعد كتير ولا اقف كتير ولا اى حاجة وقالى اعملى رياضه بس متكونش عنيفه وانا مش عارفه حتى اوطى البس الشراب بجد بتألم
ولو حاجة وقعت بمسكها بصوابعي واتنى ركبتى والقطها (شغل اراجوزات )
وطبعا عندى كرش وهو محذرنى ان لو الموضوع زاد والغضروف كبر هيعملى عمليه وطبعا معروف ان عمليات الضهر فاشله
دلوقتى بقا انا لما ربنا يكرمنى ويكرمكو كدة يارب واتجوز هتعايش ازاى مع الالام الفظيعه دى وخصوصا انى تقريبا كل حاجة بعملها وانا ساندة يعنى لو بشيل حاجة لازم اسند لو بلبس اقعد على السرير علشان ارفع رجلي والبس من الاخر كدة عايزة اركب عمود بلاستيك ياخد ويدي معايا
ادعولى ولو حد بيفهم فالتمارين الرياضيه ياريت يفيدنى فتمارين لشد البطن ومتأثرش على ضهري لان الدكتور قالى لازم حد فاهم علشان الموضوع ميكبرش
ادعولى بقا انا بجد تعبت اوى
Moro** A7mad Moro** A7mad 642774_1.gif فتكات متميزة Fatakat 642774 الاسكندرية والمنيا – مصر
سبحان الله و بحمده