بصو مش كل الدكاترة وحشين او مستغليين
انما بلاش الفلوس تضيع عالارض في حاجه ممكن نساعد بعض فيها هنا
الا لما يكون الحاله صعبه اوى او مستعجله
بس اللى اعرفه ان كذا حد راح للدكاترة المشهورين اللى بيجو في التليفزيون اذا كان تخسيس او غيره ورجعو متضايقين من الليله كلها
واى حد يقولك روحى للدكتور ده كويس يااما عايز يجرب فيكى وترجعى بالمعلومات الاكيده له اووووو انه بيعمل للدكتور ده دعايا
والله العظيم ابن خالى راح للدكتور طارق الشاذلي وهو اساسا تخين جدا وعملو ميزوثيرابي وتعب جدا وكمان معملش حاجه خاااااااالص.. لان الدكتور اللى بيفهم مينفعش يعمل ميزوثيرابي علي طول لواحد تخين جدا لانه مش هيجيب نتيجه فعاله..الا لما يخس شويه كتير
وواحده صحبتى قالتلى لما راحت لدكتور غير مشهور اعملى ميوزثيرابي عشان اخس قالها الميزوثيرابي مش بيفيد غير لما الواحد يخس وبيبقي في الاخر لسه فيه حتة بطن لسه او هنش هنا بقي دور الميزوثيرابي يكون فعال جدا
وعن نفسي روحت لدكتورة جلديه مشهورة اسمها علا حسام بتيجي في التليفزيون عشان كان عندى حبوب..وهى متكلمه جدا جدا فقولت ماشاء الله انا هرجع من عندها قمر
والله روحت اداتنى كريم من عندها هى اللى عملاه عشان يتقل ويطرى الشعر والله اتنيل اكتر وكمان الحبوب اداتنى رتن ايه عشان بعد شهر هتعملى تقشير كيميائي لما مشيت حاولت اوصلها عشان اعرف جلسة التقشير امتى مرضيوش يوصلونى ليها وكل مرة يقولولى في اجتماع او سافرت متفهموش ليه من الاخر قالولى عايزه تسألى يبقي تدفعى كشف جديد قولتلهم هى قالتلى هتحدد معاد جلسة التقشير يعنى ادفع كشف عشان اعرف الميعاد بس..في حين انها اهتمت جدااا بناس شكلهم هاى اوى مش فاهمه ليه حصل كده
وكمااااان قالت في التليفزيون غلط ان الدكتور يدي دوا او مقوى لمريض كده وخلاص من غير مايعرف يمشي معاه ولا لا..طبعا الكلام ده هبل في هبل لانها كتبتلى علي بنتوجار عشان شعرى فقولتلها يادكتور انا مش بتمشي معايا الحاجات دى لان بطنى بتوجعنى منها .. هى حتى مفكرتش في كلااااامى ولا عملت تحاليل عشان تعرف اذا كان ده هيمشي معايا ولا هيتعبنى ولا لا..المهم اخدته وجسمى كللللله جاب حبوب..يعنى معملتش تحليل زى ماقالت في التليفزيون يعنىىىىىىىىىىىىىىىى
المهم نرجع لموضوع التخسيس
اللى عايز ييخس ياكل عادى بس يقلل من الممنوعات اوى اوى ويكتر جدااااااااااااااااا من الفاكهه بالذات التفاح الاخضر وكمان الزبادى يعنى ياخدو نصيب الاسد من اجمالى اكلكم اقسم بالله اجسامكم هتتغذا ووشكم هينور اوىىىى وهتخسو والله اوى حتى لو الحرق ضعيف ولو معاه رياضه 10 دقايق ونص ساعه مشي يبقي فل الفل
ولو شهيتك مفتوحه خدى بران هيحسسك بالشبع
ولو عندك حرق ضعيف الريجيم والرياضه من نفسهم هيظبطوكى
ولو حكمت اوى خدى معاهم مكملات غذائيه زى الكروميوم او الكروماكس او اقراص الشاى الاخضر او اقراص الجريب فروت او اقراص الجنزبيل(بليز خليكى في الطبيعي)
بس اللى ياخد الحاجات دى يبطلها في الاخر بالتدريج
وافتكر كلللللللللللللللل دوول الادويه بالريجيم بكلو مش هيجي 300 جنيه اللى هتدفعيهم كشف
ومادام عندك استعداد تدفعى كتير يبقي خلاص نقسم البلد نصين
في الاول جربي تشترى اللى قولنا عليه في الريجيم مع الحركه او الرياضه لمده اسبوعين بالتزام بجد
ولو مخسيتيش ابقي اعملى اللى انتى عايزاه وانتى كمان ضميرك مستريح
وياسلااااااام بقي نكسب ثواب مع الريجيم والرياضه..تدفعى 100جنيه من ال300 كشف دوول صدقه بنية انك تنزلى وزنك
(وداووا مرضاكم بالصدقات )
افتكر ان ربنا هيكرمك اوى كمان مع الحاجات اللى قولنا عليها واكيد ربنا هيساعدك جداااااااااا
الفكرة ان ممكن اه تشترى فاكهه واكل صحى وادويه بس مش هيبقو تمنهم اوفر لكن لما يبقي تدفعى تمن الكشف بالارقام دى وكمان الجلسات والاجهزه بمبالغ جامده كده في حين فيه اشخاص مش معاهم تمن العشا او لبن لاطفالهم يبقي ازاى بس احنا بنفكررر
بليز متخسروش فلوسكم وكمان صحتكم من الاستفزاز اللى هيحصلكم
برررلنتى برررلنتى 565276_6.gif فتكات رائعة Fatakat 565276 انا من أهل كايروووووووووووووو – مصر