انا كتبت امبارح انى عايزه اتخن ولقيت المقال ده ع بص وطل وناويه ابدأ مين تبدأ ونشجع بعض
إزاي ممكن نتخن في رمضان؟!
أنا فرحي بعد العيد وعايزة أتخن شوية وجرّبت الأكل الكتير وكل حاجة.. وكل ده مابيعملش نتيجة أعمل إيه؟!
دي كلها نماذج للأسئلة اللي بعتّوها لنا الفترة اللي فاتت، عايزين تعرفوا إزاي ممكن تتخنوا في رمضان؟!
والنهارده د. إيمان كامل -استشاري التغذية العلاجية وصحة الأسرة والطفل والباحث بالمركز القومي للبحوث- هتقول لنا نظام غذائي وبعض النصايح البسيطة اللي لو اتّبعتوها طول شهر رمضان ممكن تتخنوا من 2 : 4 كيلو.
الفطار:
المشروب هيكون تمر باللبن ونضيف عليه لبن بودرة، وكمان الخشاف يكون مشروب أساسي ويومي ونكتّر فيه المكسرات.
نحاول نزوّد من الأكل المحمّر والحاجات الدسمة؛ زي الأرز بالخلطة والمكرونة بالبشاميل، وطبعا ما ننساش الطرشي على الفطار.
ويا ريت نحاول دايما نكتّر من المكسرات ومنتجات الألبان؛ زي: القشطة والزبادي في كل حاجة بناكلها.
السحور:
فيه اختيارات متنوّعة ممكن ناخدها على السحور؛ زي الفول بالبيض والسمنة، ومعاه زبادي محلّى بالعسل، وجبنة بالطماطم والزيت مع عيش أبيض.
ولازم ناكل حاجة حلوة على السحور، ولو هتخافوا من الإحساس بالعطش ممكن ناخد بعدها كوب لبن أو نضيف الحلويات على كوب الزبادي، وممكن نشرب على السحور عصير الموز باللبن والعسل.
ودى بعض التجارب
احب اقولكم تجربتى انى كنت رفيعة جدا جدا غير انى قصيرة فكان اى لبس مش بيجى على مقاسى وحتى لو جه اللبس مش مطبوط وبدون ان اروح لدكتور قررت انا اصريت انى اكل وابقي افضل بقيت باكل عسل اسود كتير غير زودت الوجبات يعنى افطر مرتين هيبقي صعب في الاول بس اغصبى علي نفسك عليكى والمخللات الموضوع محتاج صبر جامد وحماس قوى علشان النتيجة بتظهر بعد فترة مش على طول واحده واحده بتحسى بتحسن في الصحة وبتتعودى علي النظام بس الاهم الاصرار وعدم الياس اسفة علي الاطالة
============
جد معلومات مفيده جدا بس انا كنت عايزه اسم دواء يتخنى شويه علشان الاكل مش بيجيب معايا ننيجة خالص.
============
رد بص وطل:
يفضل إن الدواء اللي تاخديه يكون تحت إشراف دكتور متخصص علشان يديكي الدواء المناسب ليكي، وفيه دواء اسمه Mosegor ممكن تستخدميه بعد استبعاد الامراض العضوية.
إضافة رد
جوزى وابنى وبس جوزى وابنى وبس ممنوعة من المشاركة Fatakat 476190 جوزى سكنى – مصر