السلام عليكم ورحمه الله وبركاته
أنا هبدأ انشاء الله النهارده رجيم السوائل مين هيبدأ معايا علشان نشجع بعض
أنا شفت الرجيم ده فى ملف من ملفات المدونة
الرجيم كالأتى:
الساعه9 او 10 الصبح نشرب كوبايتين مايه وهنحط على كوبايه واحده بس فيهم نص ليمونه ونشرب الكوبايتين يعنى واحده عاديه وواحده بليمون والموضوع ده ثابت طول الشهر بتاع الدايت
بعد مانشرب الميه بساعه يعنى الساعه 11 هنشرب كوبايه لبن متحليه بالعسل الابيض لو مفيش عسل ابيض نستبدله بالسكر مفيش مشكله الوصفه دى مفيده للى بيرضعوا وكمان للى عندهم امساك دى هتعالجها بس اللبن ياريت يكون دافى عشان يعمل كملين الصبح
الساعه 12 هنشرب اى نوع عصير فريش او معلب بسكر او من غير سكر بس ياريت لو بسكر منكترش اوى معلقتين كفايه ممكن برتقال – جوافه – موز باللبن – فراوله – مانجه … اى عصير
العصير هيديكوا طاقه ومش هيخلى فى هبوط لانه هيرفع نسبه السكر فى الدم لحد كده تمام
الساعه واحده هناخد اى حاجه دافيه من غير سكر او بمعلقتين سكر برضه يعنى ممكن نشرب (ينسون – نعناع – قرفه بلبن مفيده جدا – جنزبيل – نسكافيه – شاى بلبن – بردقوش – قهوه – شاى – وممكن كابتشينو للى متعودين عليه …. واى حاجه دافيه ) الحاجه الدافيه بتقفل المعده شويه وبتحسس بالشبع وهتريح الاعصاب والتوتر اللى بييجى من الريجيم
الساعه 2 اللى هو قبل الغدا بساعه هناخد علبه زبادى او كوبايه لبن رايب وعليها معلقتين عسل اسود طعمها جميل ومفيده جدا للانيميا وسقوط الشعر والحوامل كمان
الساعه 3 وقت الغدا تقريبا ودى تعتبر الوجبه الرئيسيه بتاعنا هناكل ايه ؟
ممكن شوربه عدس هتقولولى بشعريه ولا لأ ممكن تكلوها بشعريه مفيش اى مشاكل بس ياريت لو تحمروها فى زيت افضل ابعدوا عن السمنه الزيت اخف بكتير وبعد مانستوى فى العدس هنضربهم فى الخلاط وبالهنا والشفا وطبعا انتوا عارفين العدس فيه ايه ( عدس-طماطم-بصل-توم-حزر-بطاطس-شعريه)يعنى وجبه كامله متكامله فيها كل العناصر الغذائيه هناخد من الشوربه دى طبق كبير او بمعدل كوبايتين وهنتغدى بيهم وممكن نشرب شوربه خضار عادى
الخطوه اللى جايه دى بقى مهمه ودى نصح بيها الدكتور عشان الاكتئاب اللى بييجى لكل واحده فينا بتعمل ريجيم وهو اكل كل يوم بعد الغدا بساعه قطعه شيكولاته صغيره دى بتحسن المزاج وبترفع الحاله النفسيه وبتخليكى مش مكتئبه من الريجيم
وهندخل بقى نعمل ساعه رياضه مشى فى المكان
حوالى الساعه 5 اى حاجه تيجى على بالك او نفسك تاكليها دى ساعه فرى بس ايه برضه تكون سايله بمعنى هناخد مثلا ( بوله ايس كريم – كاسترد شيكولاته – مهلبيه – موس شيكولاته – ميلك شيك – كوب بيبسى – ….. الخ اى حاجه تحبوها بس سايله دلعوا نفسكوا
الساعه 6.5 تقريبا لازم تسيبوا فتره بين الوجبه والتانيه هناخد ايه (عصير كوكتيل – عصير طماطم – كوب قرفه بجنزبيل تحححححفه وبيخسس جامد وعن تجربه – كركديه سكر خفيف – كوب لبن رايب – او شاى او قهوه ) بس دى الاختيارات متلخبطوش
الساعه 7.5 ممكن ناكل طبق صغير شوربه عدس او شوربه خضار وممكن معاه صدر فرخه مسلوقه ومضروبه معاه او نشرب اى نوع عصير فريش او معلب
الساعه 9 ودى اخر وجبه هناكلها كوب لبن دافى متحلى بالعسل وبالسكر تانى مفيده اوى وبعدين فى ابحاث اثبتت ان كل ما زاد معدل الكالسيوم فى الجسم بتساعد على حرق الدهون بنسبه 18 % وبعدين عشان نعالج الامساك
ياريت بقى متكلوش اى حاجه بعد الساعه 9 وهنا بقى تكمن الكارثه لاننا بناكل وبننام فيلريت الالتزااااااااااام ياجماعه عشان ربنا يكرمنا جميعا
ها ايه رأيكم يالا بينا نبدأ
ربنا معانا كلناااااااااا انشاء الله
الوزن: 85
الطول: 167
الوزن المطلوب: 63
kodafina kodafina فتكات متميزة Fatakat 329489 Cairo – Egypt