ازيكوايا فتوكات وحشتونى جدا عاملين ايه . النهارده انا جايه وجايبلكوا اخر حاجه فى التخلص من البطن والارداف بالوصفه المجرمه بتاعتى يعنى هاتودعوا قالبوظاتكوا وتقوليلها باى باى ى ى ى ى ومتيقيش تجى عندنا تانى مره طبعا زى ماعودتكوا مونى بتجبلكوا الحاجات اللى جابت نتيجه بتجربه شخصيه عشان لما اقولها اقدر افيدكوا من خلا تجربه حيه …
الوصفه اللى هاقولكوا عليها دى جربتها وفى خلال 30 يوم كانت النتيجه مذهله بس كان معاها النظام اللى انا قولتلكوا عليه قبل كده اللى هو (ازاى اخس من غير مااتعذب )دى غير الشروط دى كمان وهى سهله مش صعبه : على الريق كوب ماء دافئ عليها معلقة كمون + لمونه + 3 لتر ميه يوميا+ مشى نص ساعه ان شاالله يكون جوه البيت ده لو معرفتيش تخرجى يعنى مالكيش حجه اهو !!!
بالنسبه ليا انا لما عملت الموضوع ده على بعضه جبيت 7 كيلو فى الشهر و5 سم مقاس وده طبعا مع النظام والشروط اللى قولتلكوا عليهاوبطنى شبه اختفت ومش هاقولكوا بقى كان عندى التصاق فى الفخدين وكمية سلييوليت محترمه . طبعا بعد ماعملت الموضوع ده بطن بخه _سليوليت بخه _ التصاق فخدين بخه _ ارداف مليانه بخه ههههههههههه طبعا هاتسالونى بخه يعنى ايه يعنى باى باى بس بلغتى .
هااااااااا جاهزين ؟؟؟ نبتدى فنجان زيت زنجبيل فنجان زيت لمون فنجان زيت نعناع فنجان زيت لوز حلو فنجان زيت بذرة الكتان .
الطريقه : تخلطى كل المقادير مع بعضها وتحفظيها فى ازازه بره التلاجه وخدى منها على كف ايدك وابتدى ادهنى منها المنطقه اللى انتى عايزه تتخلص منها بس تدهنى فى اتجاه دائرى عكس عقارب الساعه عشان المسام تتفتح لمدة خمس دقايق وبعدين تجيبى كيس بلاستيك من بتوع الاكل اللى احنا بنغلف بيها ودى موجوده فى السوبر ماركت وتلفى المنطقه اللى دهنتيها كويس وتعملى حاجه من التلاته : يا اما ترقصى لمدة نص ساعه او تمشى نص ساعه او تنامى بيه وتصحى تفكيه .
ملحوظه: اللى متجوزه متنمش بيه جنب جوزها لانه ريحته نفاذه وده طبعا لتلافى اى حدوث حوادث ههههههههه انتوا فا همين طبعا … الزيوت دى هاتجبيها من عند عطار يكون كبير عشان تلاقيها وتكون كمان خاماته كويسه وعلى فكره الحاجات دى مش مكلفه .
نقول بقى فوايد الزيوت :
الزنجبيل واللمون : حارق فتاك للدهون
النعناع : بيفتح المسام بسرعه ويفتح الجسم
اللوز الحلو : بيحمى من الالتهابات وبينعم الجسم ويفتحه .
الكتان : بيشد الجسم
ان شاء الله تجربوها وتوصلوا لنتيجه حلوه اوى وتدعولى بس اوعو ا اللى يدخل مايقيمنيش لحسن ازعل اوى اتفقنا . هااااااااا مين هايجرب ونعمل جروب حلو وكل شويه ندخل على الموضوع وتقولى وصلتى لايه ؟؟؟وانا هابقى معاكوا واشجعكو واللى عندها استفسار هارد عليها …
cute monni cute monni فتكات نشيطة Fatakat 464038 cairo – egypt
سبحان الله و بحمده