-عاوزه مقاسي من البلوزه دي لو سمحتي ..
-مقاسك إيه ؟
-ميديام .
– لا يا أنسه إنتي شكلك small الميديام هتكون كبيره عليكي ..
كنتم مع موقف حقيقي حصل معايا من اسبوعين و انا بشتري هدوم الشتا بتاعتي , الحمد لله
بداية يا بنات أحب أوضحلكم حاجه مهمه جدا جدا جدا ممكن تفرق مع نفسية كتير قوي منكم ..
ربنا خلقنا و خلقلنا كل حاجه عشان (نتمتع ) بيها , و حطي تحت الكلمه دي مليون و ميت خط ..
ربنا عمل أنواع و ألوان الأكل و هو سبحانه عارف انها جميله و ان ابن أدم هيحبها , مش غرضه يعذبنا و لا يخلينا نجاهد نفسنا ..
ف قام ربنا خط لينا قواعد و معايير عشان نعرف نستخدم النعمه الجميله دي من غير ما تضرنا (أضرار السمنه)
و قال
( و كلوا و اشربوا لا تسرفوا , إنه لا يحب المسرفين ) صدق الله العظيم
اقريها بالراحه كده و استشعري رحمة ربنا بينا ..
اه ربنا عارف إن الأكل حلو و إنك نفسك تاكلي و ما تتحرميش , حطلك القاعده اللي تكوني بتعملي بيها اللي عاوزاه من غير تعب ..
نيجي للحديث المشهور اللي كلنا خافظينه من إبتدائي و قليل مننا وعي لعمق المعني اللي فيه
"بحسب إبن أدم لقيمات يقمن صلبه , فإن كان لا محاله فثلث لطعامه و ثلث لشرابه و ثلث لنفسه"
صدق رسول الله صلي الله عليه و سلم
انا زيكم كنت حافظه الأيه و الحديث , كمثل الحمار يحما أسفارا للأسف و عمري ما وعيت لعمقهم إلا من قريب و من ساعتها و انا متطمنه جدا جدا جدا , حسيت أنه وعد من ربنا لينا .. امشي علي القواعد بتاعتي و مش هتتعبي
انا طول عمري يا بنات زيكم بحلم بالوزن المثالي و حلم الرشاااااااااااااااااااااااااااااااااااااااااااقه , و كان عندي وزن زائد و كل شويه ازعل و اقرر إني
أخس و اعمل دايت و يفشششششششششششششششل تماما ,عمري ما اقتنعت بفكره الدايت و الحرمان والموال ده .. كنت عماله
أفكر و أقول طيب ما اهو أنا طبيعي لما هعمل دايت هخس , و الطبيعي أكتر بقي إني أول ما هوقفه هرجع أزيد تاني .. و اللي مش طبيعي
أكتر و أكتر بقي إني أعيش طول حياتي في حرمان
و قعدت أدور علي نظام حياه يكون ما فيهوش حرمان و لما أمشي عليه أخس و وزني يفضل ثابت من غير مجهود .. معادله صعبه قوي صح ؟؟
دورت و دورت و دورت و كنت بسلي وقتي و انا بدور و باكل بقي لحد السنه اللي فاتت في شهر 5 لقيت وزني وصل ل 77.5
لكم أن تتخيلوا حالتي النفسيه كانت عامله إزاي و بطني كانت دايما فيها وجع و تقلصات و غازات و اخد اقراص فحم و أدوية قولون و مفيش
أي فايده .. و مره بالصدفه ربنا وقع في طريقي موضوع هنا عن اللقيمات كانت بنت شارحاه
بالتفصيل الممل و انا شفته من هن و قلت هوووووووووووووووووووووووووووووووووو ده
و هاتك يا بحث لحد ما عنيا كانت هتشتمني و بدأته من تاني يوم يا بنات.. من اخر شهر 5 اللي فات
اول اسبوع كنت لسه مش واخده علي الموضوع و عماله اتلخبط و اجوع بس كنت مقتنعه جدا من جوايا إن هو ده النظام المثالي
ليا و طبعا قلت لصاحبتي و اهلي و هاااااااااااااااتك يا تريقه عليا اما يشوفوني باكل زيهم و احكي ليهم يقولولي اللي بتقوليه دا يتخن ما
المهم عدي اول 10 ايام بالظبط و لاحظت إن بطني نزلت جدااااااااااااااااااااااا و بقي كل لما حد يشوفني يقولي شكلك خاسس و انا
فرحااااااااااااااااااااااااااااااااااااااااااااااا اااااااااانه و أتحمس و التزم أكتر و أكتر و المفاجئه إن من أول أسبوع بطني ارتااااااااحت و الله و لا كأني عمري اشتكيت منها
بعد ما عدي عليا الشهر بقي وزنت لقيتني خاسه 3 كيلو , بس كان
شكلي باين عليه أكتر من كده كنت عامله زي ما أكون خاسه 5 كيلو مثلا بس كان باين الفرق في الهدوم باين جدا ما شاء الله
كنا خلصنا كليه بقي , كملت الصيف كله عليه و اول يوم رجعت الكليه زمايلي بقوا كل اما واحده تشوفني تقولي ايه ده خسيتي كده ازاي ؟
أقولهم علي اللقيمات اللي محدش منكم كان مصدقني انه بيخسس , و كلهم ماشيين عليه دلوقتي و اقل واحده فيهم خست 5 كيلو
اللي لاحظته بقي يا بنات ايه ؟؟
أنا الحمد لله نزلت 10 كيلو علي النظام ده, جسمي كان بينزل من المنطقه اللي فيها الدهون متجمعه اووووووووووووول شئ يعني اول حاجه
نزلت فيا بطني ثم الأرداف ثم بقية الجسم بالتدريج جدا جدا جدا , و لحد دلوقتي وشي ما بانش عليه أي خسسان مع إنه كان بيبان عليه
الهوا كنت حس ان نص كيلو بخسه من وشي مش من جسمي
و النزول التدريجي ده يا بنات له ميزه مهممممممممممممه جدا إنه مش بيسبب ترهل الجلد
قبل اما ابتدي النظام كنت وزنت علي الميزان اللي بيحدد نسبة الدهون و العضلات في الجسم و وزنت عليه من شهر فات , الحمد لله و الله
يا بنات كتلة العضلات ثااااااااااابته و كل اللي نزل دهون فقط لا غير.
عشان كده ال 7 كيلو نزول علي اللقيمات يعادل 10 كيلو نزول علي الأنظمه العاديه , تخيلي شكل كي لحمه صافي و كيلو دهن !
هو ده الفرق الدهن منفووووووووووووووووش و شكله غير منتظم و واخد مساحه أكبر من حجمه , ف الكيلو اللي بتنزليه علي اللقيمات لا
يمكن تزيديه تاني حتي لو لخبطتي لأن ده نزل صح.
و حجم معدتك بيقل جدا مع الوقت , انا دلوقتي اليوم اللي بلخبط فيه بيجيلي مغص و اسهال (اعزكم الله) لأن معدتك مش متعوده علي
اللخبطه دي .
نيجي بقي للنطام ذات نفسه .
انتي ليكي في اليوم 5 لقيمات و وجبة الا محاله اللي هي الغدا
ما تفوتيش لقيمه حتي لو مش جعانه ,ما تفوتيش لقيمه حتي لو مش جعانه ,
ما تفوتيش لقيمه حتي لو مش جعانه ,
ما تفوتيش لقيمه حتي لو مش جعانه ,
ما تفوتيش لقيمه حتي لو مش جعانه ,
ما تفوتيش لقيمه حتي لو مش جعانه ,
اقول تاني ؟؟
اللقيمه حجمها صغير ف هتجوعي بجانب ان الحرق بيعلي ف السما بسبب كده , انتي شغلتي الهضم علي كميه صغيره ف الجسم اضطر يحرق دهون عشان ياخد طاقه يشغل الأعضاء بيها و لو فوتتي اللقيمه هتيجي ف اللي بعدها تكوني جعتي بجد و هتعكي !
للمبتدئات ياخدوا لقيمات اللوز 3 لوزات تمضغيهم كويس و ما تشربيش بعدهم او تاكلي لمدة ساعه بيشبع جدااااااااااااا لأنه بينشط نقطة الشبع في المعده
تقسميهم علي طول اليوم ما بين كل حاجه و حاجه من ساعتين الي 4 ساعات
اللقيمه عباره عن ايه بقي يا ستي؟
ربع رغيف بأي غموس أنا كنت بفطر نوتلا في ربع رغيف بلدي, و بخس
ثمرة فاكهه
علبة زبادي
كيس شيبسي من اللي بنص جنيه او نص واحد من ابو جنيه
كوب عصير فاكهه او اي مشروب بلبن او سكر
مكعبين شوكولاته جالاكسي مثلا
نص ايس كريم كونو ف الصيف
الحلويات مش بتخل اللقيمات اهم حاجه الكميييييييييييييييييييييه
اي حاجه , اي حاااااااااااااااااااااااااااااااااااجه بس تكون في حجم اللقيمه , اللي هو تلت الكف
وجبة اللامحاله بقي يا ستي اللي هي الغدا
هتجيبي مج يكون بيملي نصفه 4 معالق رز مستويين و هتستخدميه للمعايره هيكون ده مقياسك
عارفين مج النسكافيه الشفاف ده اللي بييجي هدايا ؟ هو ده اللي بستخدمه
انتي ليكي في اليوم غدا كوب و نص سلطه و كوب و نص أكل مطبوخ
يعني هنعتبر نص الكوب الطبيخ ده البروتين , ربع فرخه او حتتين لحمه وسط مثلا
و حاجه حلوه قد علبة الكبريت الصغيره
مثلا معلقة شاي نوتلا , حلويات شرقي قد علبة الكبريت او مكعب جالاكسي مثلا
و الكوب اللي فاضل ما يعادل 8 معالق , تاخدي مثلا 4 رز و 4 خضار ماشي
3 رز و 5 خضار او العكس ماشي
اي حاجه انتي و راحتك المهم انك ما تعديش ال 8 معالق ممسوحين مش تحطيلي ف المعلقه جبل كده رز و تقوليلي معلقه
مثلا كوب مكرونه و ال بروتين
3 مثلثات بيتزا
قطعة مكرونه بشاميل قد الكف
المحشي برضو تعايريه بالكوب لو كرنب او ورق عنب املي الكوب بالعقل كده
لو باذنجان او كوسه كفايه 4 او 5 صوابع
و السلطه اساااااااااااااااااااااااااااسي و حطي عليها معلقة زيت زيتون
بالنسبه للي فوق ال 90 كيلو هتاخدوا وجبة اللا محاله مرتين ف اليوم ما بينهم 3 ساعات لحد ما تنزلوا عن ال 90 و تاخدوا وجبه واحده
يعني هاكل و أخس ؟؟
اه و الله العظيم هتاكلي و تخسي , مفيش حاجه ممنوعه اللهم إلا في اول 3 شهور هتنمنعي المقليات و تاخدي بنفسجيات كتير زي العنب و القراصيا و الفراوله و التين و الكرنب الأحمر عشان تنشطي الحرق
ده تقريبا نفس نظام نسرين (أم نوريه ) حبيبة المنتدي بس منظم شويه و ليه قواعد و ما شاء الله عليها 3 ولادات و وزنها 60 كيلو
طيب أبطله إمتا ؟؟
أصلا من نفسك مش هتبطليه ابدا لأنك هتتعودي علي قلة الاكل و معدتك هتصغر ف عمرك ما هتزيدي ابدا تاني
طب ينفع و انا حامل أو برضع ؟
ينفع جدددددددددددددددددددددددددددددددددددددددددددا و هتخسي جدا كمان و ملعوش اي ضرر لأنك بتاخدي كل العناصر الغذائيه هو مش بكتر الأكل يا قلبي , كتر الأكل مش هيفيد النونو
المفروض بس تاخدي لقيمه منتجات البان يوميا عشان الكالسيوم مش اكتر و اهتمي بالسلطه الخضراء و الفاكهه
مثال ليوم كامل
الساعه 9 الصبح مثلا ربع رغيف بلدي او نص فينو او واحده توست مدهونه بمعلقة خلاوه مثلا او مربي او نوتلا او جبنه او بيضه مقليه …الخ
الساعه 11 الصبح تفاحه
الساعه 1 ربع رغيف كمان بمعلقة غموس
الساعه 3 وجبة اللا محاله 4 معالق رز و 4 خضار مطبوخ و ربع فرخه
الساعه 5 كوب عصير فاكهه
الساعه 7 كوب زبادي
كده خلصتي الأكل بتاع اليوم كله و اقفلي بقك تمااااااااااااااااما
المواعيد ظبطيها براحتك طبعا المهم ما تزوديش عن المسموح ليكي
ليكي 5 معالق سكر في اليوم قسميهم زي ما انتي عاوزه
اي مشروب بسكر او لبن او عصير فاكهه يعتبر لقيمه لازم تستني بعدها ساعتين قبل ما تاخدي لقيمه تاني
اي مشروب من غير سكر مش لقيمه براحتك لو تقدري تشربي الحاجه من عير سكر خديها ف اي وقت
مسموح انك تجمعي بين لقيمتين مره واحده بس في اليوم
يعني الإفطار تاخدي مثلا ربع رغيف و كوب لبن او اي مشروب بس تستني 4 ساعات بعدها و يحسبوا لقيمتين مش واحده
و ما تاخديش أدوية تخسيس عمررررررررررررررررررك غلط غلط غلط .
سيبك من خلطات بقي و اغلي نص كيلو ملوخيه و اقفي بيه جنب حلة مكرونه بتغلي و اشربيه علي الريق و الكلام الفاضي ده , هي وراره واحده اللي حيلتي و الله
و هي معده واحده اللي حيلتك حرام عليكي ما تهلكيهاش
اشربي شاي أخضر تويننجز بالنعناع و الياسمين جميل جدا للحرق و مهضم و تحفه للسليوليت موجود في كل حته و رخيص
و المشي بردو هيساعدك جددددددددا في شد جسمك و كل ده هيفرق في نفسيتك جدا و هينعكس علي كل حياتك
و ساعدي جسمك حبيبتي , طبطبي عليه و ساعديه رطبيه كل يوم نزلي وزنك و عالجي السليوليت و الله هيفرق في نفسك سواء أنسه او مدام جداااااااااااااااااااااااااااااااااااااااااااااااا ااااااااا
معلش ان كان الموضوع ملخبط شويه ربنا اللي يعلم باللي ورايا انا بكتب بسرعه , انا موجوده لأي استفسار يا بنات
مفيش حاجه في الدنيا تستاهل انك ما تحسيش بإحساس الرشاقه ده و جمال كلمة إنتي خسيتي , يااااااااااه و الله بجد
عاوزه منكم بس دعوه حلوه ربنا بوفقني في امتحاناتي
سنه سعيده عليكم بصحه و سعاده و رشاااااااااااااقه إن شاء الله
Dr roo Dr roo 620172_5.gif سوبر فتكات Fatakat 620172 cairo – Egypt