[center]السلام عليكم ورحمة الله وبركاته
كيفكم يا بنات
انا استفدت كتير من المدونة بشكل عام واجا الوقت الي افيد غيري
اول اشي انا خريجة تغذية من الجامعه الاردنيه
ولسا ما اشتغلت ادعولي ان شاء الله اولد على خير افتح عيادتي الخاصه ان شاء الله
طبعا يا بنات يا رب كلكم تنحفو وتصيرو اجمل ما يمكن بخير وبصحه
انا شفت كتير بالقسم معتقدات خطأ وريجيمات خطأ بيمشو عليها البنات
هي صحيح ممكن تنزل وزنك وانتي تنبسطي بس بتعمل عمايك بجسمك
وبتضر اكتر ما بتنفع
حبيباتي انا رح اقسملكم الموضوع لعدة عنواين عشان الكل يستفيد ويصلح غلطتو وان شاء الله توصلو للهدف بصحه
..اولا: الريجيمات الشائعه ←
1- التمر واللبن : هو اكبر خطأ ممكن توقع فيه الي يدها تنزل وزنها هو اه صحيح لو التزمتي فيه حيخلص الاسبوع
وتكوني خسرتي 5 كيلو بس سوااااائل وهوبباااا يومين توقفي تزيدي 7 كيلو
2-ريجيم الفواكه : من اكبر اعداء الرجيم الفواكه يعني لو بدك ريجيم صحي وتخسري فيه )دهون( لازم يكون عدوك اللدود الفواكه والاغلب بيمتنع عن كل حاجه وبياكل فواكه بس والنتيجه زي الي قبلو
3-اللقيمات : بيعتمد على انك تاكلي من كل حاجه لقم بس يا حبيبتي في الريجيم الصحي الي لو سئلتي اخصائي تغذية بيعطيكي اكلات معينة مش تاكلي من كل حاجه شوي انتي بتدمري نفسك
4-السعرات الحراريه : ريجيم السعرات الحرارية حلو جدا بس مش حيعطيكي نتيجه طويلة عشان انتي بتحسبي السعرات الي باكلك هو صحيح انتي خففتي السعرات
بس الريجيم الصحي بيتطلب عناصر غذائيه خاصه عشان تنزلي دهون
5-نصف الاكل: لما تعملي ريجيم انك تاكلي نصف اكلك بس كمان مش حيفيد ﻷنك ما التزمتي بالعناصر الي لازم تاخديها عشان تنحفي بصحه
6-الصيام العكسي : بيعتمد انك تاكلي كل اشييي وعال6 توقفي بس غلط غلط غلط عشان السبب الي برجيم نصف الاكل
نيجي للصح↓
الريجيم الصحي بيعتمد على ←
1- 5 وجبات باليوم
2-بين كل وجبه ووجبه 3 ساعات
3- اهمال وحدة من الوجبات عكس ما بتتوقعو بنصح ما بنحف
4- خبز ورز وفواكه نلغييييييهم من حياتنا
5- جزر وحلييييب ممنوع
6- البندووووووورة لا ثم لا والف لا للبندورة ← يعني السلطة تكون خس وخيار وبسس
7- الملح ننساه الا رشات بسيطة عالاكل
8- السكر ممنوع نهائيا تستبدليه بسكر دايت او سكرين
9- رياضه لا تزيد عن نصف ساعه الى 45 دقيقه
★ انا ذكرت انو لازم 5 وجبات في اليوم ورح اوضحلكم
اول حاجه وجبة الفطور تكون بكييير يعني الساعه 7 بالكتير بعد ب3 ساعات تاخدي وجبة صغيره وهي لازم تكون ثابته الي هو 10 حبات لوز حلو غير محمص ﻷنو
بيعتبر وجبه غذائيه كاملة وبعد3 ساعات كمان 10 حبات لوز وبنركز عليه عشان فيه فايده انو بيشد الجسم
وبعد 3 ساعات الغداء وبعد 3 ساعات العشاء
بعد العشاء مسموح فقط خس وحيار بأي كمية
● طبعا يا بنات سر الرشاقه والي لازم تهتمي فيه جدا يوميا عالفطور تاكلي بيضه مسلوقه
بيساعد جدا بنزول الوزن
● الماااء اشربي 12 كاسه باليوم
في حاجات كتير كمان بس صعب اشملها بموضوع واحد
والحمد لله يا بنات مشروع تخرجي اشتغلت على ريجيم وطبقته على قريبتي وبفضل الله نزلت عليه 35 كيلو في 4 شهور واخدت فيه الامتياز
طبعا يا فتوكاتي الحلوات اكبر خطأ لازم انبهكم اله انو ممنوع تمشي على نظام اكتر من اسبوع كل اسبوع لازم تغيري
وان شاء الله الي حابه اني اتابعها عالخاص كل اسبوع اعطيها نظام صحي ما عندي اشي مشكلة نهائيا
وبستقبل اي استفسار او سؤال سواؤ في الموضوع او في الخاص
ا/CENTER]
danoosh12 danoosh12 فتكات نشيطة Fatakat 1203950 amman – jordan