السلام عليكم ورحمة الله وبركاته أزيكو يا أجمل فتوكات
النهارده كانت الجلسه الاولى ليا اللى بعملها لتخسيس منطقة البطن وطبعآ لانى متوقعه الزحام عشان كده كنت فى العياده الساعه 10 ص ومع ذلك لقيت ناس كتير المهم بدأت المساعده بتاعت الدكتور ناخد المقاسات وهى 3مقاسات -من اعلى البطن ومن اسفل ومن النص عند منطقة السره ……… بعدها جلست على الجهاز 1 وهوجهاز للذبذبات والموجات ومتوافر عامة عند كل الدكاتره ودا بينشط الدوره الدمويه وبيقوى عضلة البطن
2 – جهاز g 5 دا لتفتيت الدهون حوالى 10 دقائق
3 – جهاز االترا ساوند ودا الجهاز الاساسى حوالى 15 دقيقه صوته مزعج شويه
4 – جهاز خاص لشد الجلد فى منطقة البطن
5 – المفروض فى جهاز تابع للجلسه اسمه p.p كان مكتوب فى استمارة مريضه تانيه بس الحقيقه الدكتور منعنى عنه لان عندى الغضروف بين الفقرتين ال4 و ال5
بعد كده جت المساعده عشان تاخد المقاسات بنفس الطريقه السابقه لكن للاسف لقيت ان مقاساتى انا بالذات متغيرتش رغم ان اللى قبلى على طول نزلت 2 سم وطبعآ دا احبطنى يشده ووقتها اخدتنى المساعده عشان اقابل الدكتور اللى وضحلى ان عندى مشاكل فى القولون تحتاج علاج حتى يظهر نتيجة الجلسات
مش هطول عليكم لكن الكتور كتبلى ادويه قويه لعلاج القولون انا نفسى كنت باستعملها من فتره — ومنتظره الجلسه الجايه بعد العلاج عشان اعرف النتيجه الاتنين الجاى انشاء الله
نسيت اقولكم ان وزنى نزل 2.75 كجم فى اسبوع ودا على رجيم الكتور- ارجو انى اكون افدتكم وياريت متنسونيش فى الدعاء
ماما أويه ماما أويه 386859_1.gif فتكات متميزة Fatakat 386859 الشيخ زايد – مصر
سبحان الله و بحمده