وحشتونييييييييييييي اوي اوي اوي
اوي
كل سنه وانتم طيبين بمناسبه الشهر الكريم
بصوا بقي نصلي علي النبي الاول
(عليه افضل الصلاه والسلام)ثانيا احنا كنا لقيمات بس بعد تفكير عميق
والبنات اللي اتسربوا واحده ورا التانيه
قررنا ان كل واحده تعمل النظام اللي هيا عايزاه
ديه معلومات عن نظام اللقيمات للي حابه تمشي عليه
* علم اللقيمات توصل له ادكتور الهاشمى من قول الله تعالى فى الاية 31 من سورة الاعراف ( يَا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ ) وكذلك من الحدي الشريف لرسولنا الكريم صلى الله عليه وسلم " ما ملأ آدمي وعاء شر من بطن، بحسب ابن آدم لقيمات يقمن صلبه، فإن كان لا بد فاعل فثلث لطعامه وثلث لشرابه، وثلث لنفسه"
* واللقيمات هى أقل كمية من الطعام تكفى لاعطاء الانسان الطاقة الكافية لحركته ، وأى نوع من الطعام بغض النظر عن مقدار السعرات الحرارية التى يحتويها يمكن أن يستخدم كلقيمة .
وتقوم فلسفة "اللقيمات" على عدم الاهتمام بنوعية الأكل وأوقاته فلا يوجد أكل ممنوع أو إفطار أو غذاء أو عشاء ، بينما ترتكز المعاملة على مركز في المخ
اسمه" فرس البحر"
هذا المركز اكتشف العلماء في السنوات الخمس الأخيرة عدة حقائق عجيبة عنه :
1- المسئول عن الذاكرة
2- المسئول عن النهم حيث الإنسان قد لا يكون جوعان لكنه يأكل لوجود الأكل أمامه .
3- مسئول عن الإدمان بجميع أنواعه " الخمور – المخدرات – التسوق – الأكل … إلخ "
4- اكتشف في السنوات الأخيرة الماضية أنه المركز الوحيد في المخ الذي تتجدد خلاياه كل أسبوع .
ديه معلومات بسيطه كده يارب تكون فدتكم
ما هو رجيم اللقيمات
————————
5 لقيمات+وجبه كبيره مفرحه
امثله اللقيمات
—————–
1-ربع رغيف بلدي او نص فينو او شريحه توست
بأي غموس مثل(معلقه مربي / معلقه جبنه / معلقه عسل / معلقه حلاوه / 3 معالق فول او قرص طعميه)
او نص سندويتش فول او طعميه من المطعم او نص سندويتش فاست فودز (مره واحده اسبوعيا)الفست فودز زي كنتاكي وماكدونلز
2-كوب عصير او كوب لبن او كوب بيبسي او معلقه علقه زبيب او نص كوب سحلب او قد نص الكف كرواسان او 4 بسكويت ساده او قطعه فطيره قد نص الكف
3-نص كوب رز بالبن او نص كوب مهلبيه او كورن فليكس او نص بليله
او نص جيلي او نص شوفان بالبن وهكذا ………………….
4- فاكهه نص كوب كريز او فراوله او عنب او 2برقوق او جوافايه كبيره او 2 خوخ صغير او كوب الا ربع بطيخ او شمام او 3 بلحات او 3 تمر او موزه اوبرتقاله الخ……..
5-الخضاؤ -جزره او 2 خياره او بادنجانه صغيره او طكطمايه او كوب كبوتشي الخ……..
6-نص كيس شينس من ابو 1 جنيه او كيس من ال بنص
او مثلث بيتزا او فنجان لب او نص ترمس او فنجان مكسرات او كوب فشار او نص كوب من اكل البيت
اكل البيت (محشي – خضار – شوربه خضار – لسان عصفور- رز)
7- لقيمات الحلوي بسبوسه قد ثلث الكف او 2 صوباع جولاش
او 3 لقمه القاضي او قطعه جاتو اد ثلث الكف او نص كوب ايس كريم او نص كونو او علبه زبادي فواكهه)
8-لقيمات بروتين نص علبه تونه حاف او سمكه صغيره او نص علبه سلمون حاف او قطعه فراخ صغيره
الوجبه المفرحه
——————
كوب ونص من اكل البيت +كوب ونص سلطه + قطعه حلوي قد علبه الكبريت(ملحوضه :اللي هتستهبل وتقيس علي علبه كبريت كبيره هجبها من شعرها قدام جروب كله)
ملحوظات هامه
————————
1-الفرق بين اللقيمات من 2 او 3 او 4 ساعات
2- ليكي خمس معالق سكر
3-المياه مهمه جدا جدا جدا جدا
4-ممنوع المقليات اول 3 شهور
5- الفطار مهم جدا جدا وليكي معاها كشروب هديه
بالنسبه للبنفسجيات مهمه جدا جدا
هي
البرقوق الاحمر او الاسود
التوت الاحمر او الاسود مهم جدا
العنب الاحمر او الاسود
القرسيا
العسل الاسود
الفلفل الاحمر
الزبيب الاسود
البذنجان الاسود او الموف بقشره
الفراوله
الكريز
الكرنب الاحمر
مربه التوت و الفروله
الاكثار من البنفسجيات وهي مضدات الاكسده
وهي تساعد علي تكوين الدهون البنيه
وهذه الدهون تساعد علي حرق الدهون البضاء المضره
مثلها مثل الغده الدرقيه
و يجب الاكثار منها لاول 3 شهور
الرياضه مهمه جدا ابدأي ب 10 دقايق ف الاول وزودي حبه حبه
ممنوع الرياضه العنيفه او التمارين العنيفه لانها بتعمل ترهلات بعد كده
واحسن حاجه المشي مش يعمل ترهلات وبيشد الجسم
معلومات عن الصيام العكسي
وده بتاكلي اي حاجه قبل الساعه 5 المغرب
وبعد الساعه خامسه مبتكليش اي حااااااجه
بتشربي بس مياه
معلومات عن نظام التخفيف
وده بتقللي فيه السكريات والنشويات لاقصي
حد ممكن
ملحوظات عامه وهامه
_______________
البنات الجدد يكتبوا
وزنهم وطولهم واسمهم ياريت
مبنقبلش اققل من وزن ال90
الالتزام بكتابه التقرير (يعني اكلتي ايه في يومك كله)
بأذن الله ده نظام لرمضان
الفطار
*كوبيت2 ماء+كوب عصير
بعد الصلاة
*وجبة الا محالة
*بعد ساعتين قطعة حلوي قد تلت الكف اوثمرة فاكهة
*بعد ساعتين لقيمة يفضل فاكهة
*السحور ربع رغيف باي غموص+كوب زبادي اوكوب عصير اوكوب لبن
نظام اخر همشي عليه انا وروضة
*كوبين ماء +كوب عصير+تمرة
*بعد الصلاة ..كوب اكل +كوب ونص سلطة+نص كوب شوربة
*بين الفطار والسحور لقيمة (ثمرتين فاكهة او خضار)
* السحور..كوب زبادي اولبن او شاي+ربع رغيف باي غموص او
*كوب زبادي +كوب عصير +ثمرة فاكهة
وكل سنة وانتن طيبات ورشيقات
ان شاء الله
التلات والاربع مفتوووووووح والنظام هيبدأ من الخميس لغاية اخر يوم رمضان اربع اسابيع وهنفتح اسبوع العيد
وان شاء الله هنخس والله بس محتاجين عزيمه
وهمه واراده
انفخ عضلاتك بيين حركاتك
هيه هيه
هههههههههههه
وبعد العيد هنقولكم هنعمل ايه يا قمرات
مواااااااااااااااه بوسه ديه علي فكره
الاشتراك لحد بكره بس بس بس وبجد مش هقبل حد بعد كده واللي عرفه نفسها مش هتلتزم يبقي بلاش تشترك عشان متحبطش البنات
الحياه قفل والناس مفتحها الحياه قفل والناس مفتحها 731999_18.gif سوبر فتكات Fatakat 731999 القاهره – مصر