السلام عليكم ورحمة الله وبركاته
مساءكم صباحكم طاعة الرحمن.. ومبارك عليكم الشهر الفضيل..
وأسأل الله ان نكون من صوامه وقوامه..وأصحاب اجسام رشيقه وذات جمال براق..
حبيباتي أنا شادن حبيت اسوي قرووب نكون بيد وحده ونجمع عدة اساسيات بهالشهر الكريم
صيام..قيام..قراءة قرآن..رجيم ..رياضه..
يعني شهر منوع
طبعا الرجيم المعروف واللي انا جربته وكان ناجح معي وهو رجيم
التمر والحليب
وناويه اسويه برمضان..واللي تبي تشترك بأي رجيم يناسبها
يعني بيكون منوع زي ماتحبون عشان تنحدى بعض بس كل مشتركه تذكر رجيمها
وابي عدة مشاركات عشان يكون فيه تحدي
وطريقه الرجيم راااح يكون سهل مررررررررره
وهو ماراح نعتمد بالشهر راح نسويه اسبوع اسبوع
يعني مثلا نبدأ من بكره الجمعه مع ذكر الوزن ونستمر اسبوع وحنا متحدين بعض والجمعه الجايه نشوف منو
أكثر وحده نزلت وتحط بتوقيعه هالصوره رشيقة الأسبوع
واللي مانزلتش كويس تكون دووبه الاسبوع
وبعدها نروح نفتح موضوع ثاني رشيقه للأسبوع الثاني
يعني نظامنا يكون اسبوع اسبوع يكون تفكيرنا على الاسبوع اللي بنتحدى فيه
الأساسيات..
أولاً..نمشي على الرجيم اللي بتحبوه
أنا بأمشي ع التمر والحليب
ثانيا ..بعد الأفطار نشرب شي حارق للدهون مثلا أنا بأشرب يانسون وشمر وزنجبيل بأغليها واشربها مره وحده
حلوووه للبطن وتحسي براحه
ثالثاً..يومياً نقرأ جزء من القرآن الكريم
رابعاً..نكتب يومياتنا هنا ولو ندعمها بالصور تكون افضل ونتشجع
خامساً..كل مشتركه تحط وزنها وطولها ونشوف نهاية الاسبوع كم نزلت
سادساً..رياضه يوميا لمدة نص ساعه وتمارين على حسب الاستطاعه
اتمنى اعجبكم موضوعي ويكون فيه اقوى حمااااس
..
وزني بأحطه الصباح وانزله هنااا
تحياتي..أختكم شادن اللي بتحبكم
شادن.. شادن.. 577313_1.gif فتكات نشيطة Fatakat 577313 ابها – السعوديه