السلام عليكم انا اللي يعرفني في المدونة حيعرف قد اية انا بعاني من السمنة انا وزني 92.5 وطولي 165 جربت اللقيمات و الريجيم الصحي لماجد زيتون بس ملتزمتش بية عشان انا مدرسة اعمل دايت في الاجازة يبوظ في الدراسة عشان انا عيلة بحب الشيبسي والحاجات دي تعبت من كتر التفكير بس في اي نظام اتبعة تخيلو بقالي سنة ونص بفكر بس اعمل اي نظام بس قرررررررررررررررررررررت قرار
اولا مش حسمي الريجيم بتاعي باي اسم
ثانيا حختار من كل بستان زهرة تمشي مع نظام حياتي مش حغير حياتي عشان دايت
النظام اللي حمشي علية
اول ما اصحا 2كوب ماء
بعدها اي اعشاب اي نوع
الفطار بدائلة ربع رغيف / 2توست دايت/فينو قد الكف
2قطعة جبنة قد البيضة/1-2بيضة مسلوقة اومقلية في نقطة زيت/4م فول بالزيت الحار او من غير زيت علية لمون وسلطة
كوب شاي سادة او بلبن اونسكافية بس نكتر الماية اكتر من اللبن
طماطم او خيار
الغدا اي شئ في البيت بس نقلل الكمية حبة حبة مثلا لو باكل 10م رز بكرة يبقو 9 بعدة 9 عشان في خلال اسبوع او اتنين اكون وصلت ل 4/5 معالق ونقيس على العيش والمكرونة نفس الكلام
الخضار مفيش منة ضرر بس نقلل في الدسم حبة حبة لو بحط 2م سمنة اخليهم 1 وبعدين اخلية زيت وهكذا
العشاء
1زبادي+1فاكهة
1زبادي كبير
2فاكهة
او زي الفطار لو جعانة
ودة قبل النوم بساعة على الاقل
نيجي للسناك
بعد الفطار والغدا بساعتين 1 فاكهة /زبادي /كبشة فشار اللي نفسك فية بس لو دسم او تقيل ميبقاش كل يوم وياريت يبقا فاكهة احسن
بين كل وجبة والتانية لينا 3 خيار+1جزرة دة بين الوجبات دة خضار ملهوش سعرات
بس نحاول بين الوجبة والتانية 3
ساعات والوجبو والسناك ساعتين ميقلش عن ساعتين ممكن في الاول ساعة ونصف
انا حمشي على النظام من بعد العيد
حتقوليلي طيب دلوقتي نتخن يعني عشان رمضان
حقولك لا طبعا
نفس النظام بس حنجمع في السحور الفطار+1زبادي
والفطار زي الغدا حبة حبة يقل ونبدا بالماية+نص كوب عصير +نص خشاف ونصلي ونرجع نفطر بس ممكن بدل بعد الوجبة فاكهة ممكن تبقا حاجة حلوة صغيرة من نفسك برضة بعد الفطار بساعتين او اكتر وبين الفطار والسحور البدائل كتير
(2خيار/ جزرة/تفاحة/اي فاكهة/ حتة حلويات/فشار )زي مانت عاوزة اهم حاجة الساعتين وانت ادرى باللي بيتخن يعني لو يومك في عك كتير يبقا نخلي اللقيمة فاكهة احسن كل ماكان اكلك صحي نزولك اسرع
اناحبدا من النهاردة وحوزن بعد10ايام واشوف النتيجة
معلش لو نسيت حاجة لو حد حابب يبدا معايا ياريت عشان التشجيع ولو سمحت التقييم
ASORA 13 ASORA 13 895586_3.gif فتكات هايلة Fatakat 895586 السويس – مصر