السلام عليكم و رحمه الله و بركاته
(ان الله لا يغير ما بقوم حتى يغيروا ما بأنفسهم ) صدق الله العظيم
أنا farida010ومحتاجة أخس 14 كيلو
و leopardtigeress صاحبتى و محتاجة تخس 4 كيلو
النهاردة بنبتدى تحدى ال 6 أسابيع من 21-2-2015 لحد 4-4-2015
و هنوحد يوم للميزان مع بعض اللى هو يوم الخميس ان شاء الله و الفري بتاعنا هيكون السبت (فطار وغدا بس فري )
و ان شاء الله ملتزمين بكده
وان شاء الله نخس و نوصل لهدفنا
و فى نقط هنتفق عليها و نأكد عليها كمان مرة
1-شرب ما لا يقل عن لتر ميه فى اليوم منهم كوبايتين على الريق
2- 2مشروب حارق فى اليوم
هيكون أسبوع قرفه و زنجبيل و أسبوع بردقوش
و أسبوع حبه البركة قبل النوم و أسبوع مريميه ان شاء الله و اكيد أغلبنا عارفين فوايد الاعشاب دى
3-الحركة الكتير يعنى نحاول نمشي نبذل مجهود فى البيت سمسم تلعب عالاجهزة انا احاول اروح الجيم نرقص المهم ان لازم يكون فى حركة
4-معلقه سكر فى اليوم و لو احتاجنا زيادة نستخدم سويتال
5-انا بالنسبة ليا ممكن استخدم مالتى تريت حبايه الصبح و سمسم بتشرب الشاي الاخضروممكن ابل لايت حبتين قبل كل وجبة
6- الدعاء و الصدقة هنطلع صدقة كل أسبوع ان شاء الله بنيه ان ربنا يشفينا
و أحب أذكر نفسي و سمسم ان اى حاجة بيكون فيها حدود للخطأ يعنى مش نأزم نفسنا لو كلنا حاجة غلط و نياس و نسيب كل حاجة لاا هنكمل عادى خاالص بس مش معنى كده نتدلع بقي و ناكل و الله المستعان ان شاء الله و احنا مش بنتفق على نظام دايت سمسم تعتبر ماشية على النظام الكلاسيك اللى هو بتاكل كل حاجة بنسب بسيطة وانا غالبا هو دا هيكون نظامى ان شاء الله
و احنا عارفين اننا مش بنعمل دايت احنا بنعمل ( لايف ستايل ) و فى مقولة عجبتنى هى(أصعب حاجة هى كبح جماح النفس) و لما نتعلم نعمل كنترول على نفسنا فى الاكل هنقدر نعمل كنترول على نفسنا فى اى حاجة تانيه و نكون شخصيه محددة أكتر
و ان شاء الله اخر ال6 أسابيع نكون وصلنا لهدفنا ومبسوطين و مزقططين
و فى النهاية باطلب منكم الدعاء لينا ان ربنا يوفقنا و نخس ونوصل لهدفنا فى الوقت دا بصحه و عافيه
farida010 farida010 425321_2.gif سوبر فتكات Fatakat 425321 مصر – مصر